المشاركة الأصلية كتبت بواسطة سعيد السعيد

اختي انا والهلع الادويه الي تعالج القلق والهلع وغيرها من الحالات النفسيه مثل ادويه سيروكسات وسيبرالكس وبروزاك وغيرها ممكن الواحد يستخدمها يوميا ومدى الحياه هي امنه ومصممه اصلا للاستخدام الطويل مثلها مثل ادوية السكر والضغط الي يستخدمها الشخص مدى الحياه

ومشكلة التوجس لقدوم نوبة هلع هذه امر عادي وهي تبروح مع الوقت والافضل لها هو جلسات العلاج السلوكي المعرفي ..و الواحد ممكن يستفيد من الدواء بسنبة 100% ولكن لا زال فيه باله افكار ومخاوف من نوبات الهلع بسبب ذكريات سابقه.. هنا العلاج السلوكي المعرفي هو افضل شي لمسح هذه الذكريات وهذه المخاوف .. وطرق طرد هذه المخاوف يعرفها الواحد في جلسات العلاج السلوكي المعرفي مع الاخصائي النفسي

وانا صارلي استخدم الدوا 10 سنوات والحمدالله نسبة التسحسن تقريبا 85% ونسبة التحسن تختلف من شخص لاخر لكن بشكل عام هي نسبه دائما مرتفعه..ومتأقلم على وضعي واعيش بشكل طبيعي

وخلي عندك دائما الحبه المهدئه للاحتياط مثل زاناكس او ليكسوتانيل حتى لما تطلعي من البيت لاي مكان خذي الحبه معاك عشان لو جت نوبة هلع تكون معاك الحبه المهدئه وهي باذن الله اول ما الواحد يتناولها تقضي على نوبة الهلع على طول مهما كانت قوتها فوجود الحبه المهدئه يحسس الواحد بالامان باذن الله .... وهو حتى لو الواحد ما استخدم الحبه المهدئه عند نوبة الهلع فالنوبه راح تمر وتعدي بسلام باذن الله وما يحصل اي مكروه لكن الافضل ان الحبه المهدئه تكون معاه دائما

وانا حضرت جلسات علاج سلوكي معرفي تقريبا 10 جلسات كل اسبوع جلسه وهي جلسه مع اخصائي نفسي وهو مو دكتور مو طبيب يعني هو شخص عنده شهادة في علم النفس عيادته مثل عيادة الطبيب بالضبط الواحد يجلس على الكرسي ويتحاور ويتناقش مع الاخصائي النفسي ويقوله كل الاعراض الي عنده ويصير الاخصائي يقول كل الطرق والافكار والاساليب عشان تطرد الافكار السلبيه والقلق والوسواس من ذهنك ومع الوقت الواحد بيصير عنده مهاره بحيث انه يقدر يطرد كل الافكار السلبيه ويستبدها بافكار ايجابيه