بدايةً ..... أنا هقولكوا حديث الرسول عليه الصلاة والسلام
وبعدين هاحكيلكوا

عَنْ عَوْفِ بْنِ مَالِكٍ عَنْ رَسُولِ اللَّهِ صَلَّى اللَّه عَلَيْهِ وَسَلَّمَ قَالَ :
( إِنَّ الرُّؤْيَا ثَلاثٌ :
مِنْهَا أَهَاوِيلُ مِنَ الشَّيْطَانِ لِيَحْزُنَ بِهَا ابْنَ آدَمَ ،
وَمِنْهَا مَا يَهُمُّ بِهِ الرَّجُلُ فِي يَقَظَتِهِ فَيَرَاهُ فِي مَنَامِهِ ،
وَمِنْهَا جُزْءٌ مِنْ سِتَّةٍ وَأَرْبَعِينَ جُزْءًا مِنَ النُّبُوَّةِ )
صحيح سنن ابن ماجه 3155 .

اللى هما إيه ؟؟؟؟
1- الكابوس .... او الحلم من الشيطان
2- حديث النفس
3 - رؤية من الله

طب هقولكوا الاول برده الحديث ده وبعدين احكيلكوا
عَنْ أَبِي سَعِيدٍ الْخُدْرِيِّ أَنَّهُ سَمِعَ رَسُولَ اللَّهِ صَلَّى اللَّه عَلَيْهِ وَسَلَّمَ يَقُولُ : ( إِذَا رَأَى أَحَدُكُمُ الرُّؤْيَا يُحِبُّهَا فَإِنَّهَا مِنَ اللَّهِ فَلْيَحْمَدِ اللَّهَ عَلَيْهَا وَلْيُحَدِّثْ بِهَا وَإِذَا رَأَى غَيْرَ ذَلِكَ مِمَّا يَكْرَهُ فَإِنَّمَا هِيَ مِنَ الشَّيْطَانِ فَلْيَسْتَعِذْ مِنْ شَرِّهَا وَلا يَذْكُرْهَا لِأَحَدٍ فَإِنَّهَا لَنْ تَضُرَّهُ ) رواه البخاري 7045 .

يعنى الحلم اللى احنا حاسينه حلو وفرحانين بيه ....... يكون رؤية من الله
والحلم الوحش اللى احنا خايفين منه من الشيطان ،

زى مثلا واحدة عاملة عزومة بعد بكرة ...... ولما نامت
حلمت خير اللهم اجعله خير انها عازمة الناس عندها وعاملة فراخ وبط وام محمد جت وام حسن مكانتشى فاضية

ده باين اووى انه حديث نفس
لأن الست ديه شاغلة نفسها بالعزومة
وطبيعى انها تحلم بيها

انما لو واحدة بقا بتفسر جديد ...... وحبت تفسره
تروح داخلة على تفسير الاحلام
وبعدين تشوف معنى العزومة فى المنام
وطبعا معنى الفراخ والبط
طب وام محمد اللى جت !!

نيجى بقا للكابوس
أو الاحلام من الشيطان

لأن الاخت شافت كابوس وجاية تحكيهولنا عشان نفسرهولها
آل يعنى هى هتستريح لما نقولها عالمصايب اللى هتحصلها ؟!

لأ وفيه كم عضوة كده فرحانة بتفسيراتها اللى مابتنزلش الارض ابدا
تروح داخلة ومفسرهولها
ولا اللى تدخل وتقولها هو معناه وحش ....... بس امرى لله هقوله وخلاص
كأن حد غاصبها على التفسير

وانا لما بضايق بتنرفز اوووووى

وبيبقى هاين عليا الغى المشاركة والكابوس ...... وطبعا ده مش بإيدى
بس عشان نستريح بقا

معنى كده ايه ؟؟؟؟؟؟
ان ماينفعش نشوف حلم وحش ونحكيه لحد

ماينفعشى خالص

ياريت نسمع الكلام بقاااااا

- نبصق على يسارنا ثلاث
- ونستعيذ بالله من شرها
- ونغير الجنب اللى كنا نايمين عليه ،
- ومستحب اننا نقوم نصلى ركعتين لله

طب هى كده هتضرنا ؟؟؟؟؟؟
لأ .......... لأن ده كلام الرسول
الرسول قال ايه ؟؟؟
فإنها لن تضره

يبقى احنا لما نحلم حلم وحش نتبع الخطوات اللى فاتت
ونتأكد انها لن تضرنا

اللى هى إيه ؟؟؟؟
الاخت اللى كتبت حلمها خلاص وواحدة دخلت فسرتهولها على انه حاجة وحشه
هل ده شرط انه يتحقق ؟؟؟؟؟؟

هقولها لأ
طب ليه ؟؟؟؟؟
لأن الكابوس من الشيطان
والشيطان بطبعه كذوب
انما الرؤية من الله ...... والله صادق وعده ان صدقت الرؤيا

بس لو رجعنا كده للحلم اللى فسرته السيدة عائشة
هنلاقى السيدة اللى راحت تسألها على تفسير الحلم غلطانه
لأنها حكته وطلبت تفسيره
والسيدة عائشة غلطت لأنها فسرتهولها ...... حتى لو كان تفسيرها صح

ونفهم برده من القصة ان الكابوس او الحلم الوحش ده ماتحققش غير لما اتحكى واتفسر
انما لما الرسول فسره غلط الحلم ماتحققش