نفساني - عرض مشاركة واحدة

31-10-2003, 03:30 AM

السلام عليكم ورحمة الله وبركاته
استاذ سليمان : شكرا من قلبي والله ودي اني عندي اسلوب عشان اشكرك فيه تسسسسسلم وانا عمتك :) ........... الله يرحم عمتك ويغفر لها ويجمعك معها في جنات النعيم يارب....

اممممممممممم لو بتكلم عن نفسي يبي لي منتدى لي بلحالي ويالله يكفي ....لانها والله اول مره اطلع اللي جواي ماقد تكلمت لاحد ابد ابد والمشكله اني انا مااعمري حددت ولا ادري وش اللي فيني ولا فهمت نفسي :( بحاول اختصر عشان مااتعبكم معاي ... واعذروني اذا كان كلامي ملخبط شوي لاني زي ماقلت لكم انا احاول استوعب نفسي معاكم والله....

عمري 23 سنه..ثانويه عامه.....كان مجموعي مش بطال ودخلني الجامعه بس مارحت لاني مااحب الدراسه كانت شخصيتي محبوبه جدا جدا وخفيفة دم واجتماعيه وبسيطه وعفويه في التعامل وجريئه وبديت اتغير على شوي شوي ...................اعاني من الرهاب من عمري 17 سنه بعد وفاة ابوي على طول تقريبا................. انقطعت عن الناس 5 سنين تقريبا ماكنت اروح لاي شي الناس تعودوا على كذا...................... انا ادري انهم يتكلمون من وراي وادري ان امي تتعذب بس مافي يدي شي...................طبعا بس كنت اروح للقريبين مره واللي لا بد اروح لهم خالاتي وبنات عمي.................... من سنه وحده بديت اغير اسلوبي واطلع على الناس وكانت تجيني اعراض امي تقول اني عشاني منقطعه عن الناس ومابعد تأقلمت عادي................... وعديت الموضوع قلت اكيد باتحسن بس الوضع تأزم خلال هالشهرين مره مره مره................... وبديت ارجع اتغير وارجع لحالتي النفسيه السيئه .................................................. .............

بالعكس رجعت اسوأ من اول لان الحين حتى خالاتي والقريبين مره تجيني معهم الحاله وصرت اتهرب باي طريقه منهم ولواضطريت اروح قبل ماادخل اخاااف وبطني يعورني واتعرررق واحس بنفضضضه شديده واذا دخلت يقعد فمي ينتفض ويديني... ووجهي يحمر بقوووه وتخنقني العبره....واي موقف فيه تركيز علي تصير لي هالاعراض............... وهم مااستوعبوا لان المعروف عني اني جريئه مررره.....

احس اني كلي عقد نفسيه....... فيه اشياء ودي اقولها بس مااقدر.... ياليت فيه ايميل خاص او اكثر سريه اقدر اقول فيه كل شي وانا مرتاحه.........الافكار اللي تتعبني مدري بس كل شي احس اني كلي عقد نفسيه.......بس الحمدالله دايم متفائله.....اشتاق لاابوي بقوووووه ...حياتي بدونه ماتساوي شي... وعرفت ان البنت بدون ابوها ضايعه :( وكرامتها منهانه حتى لو محد قال هالشي .....بس مااحس بالامان ابد دايم احس اني ضايعه...... الظاهر ان الامراض النفسيه في عائلتنا وراثه لان ابوي كان يعاني من نوبات الهلع واخوي الكبير حاليا.... واخوي الصغير باين انه مشروع رهاب ناجح...... والحاله دمار...

..مشكلة ثانيه تؤرقني ومنكده علي حياتي بعد ولا تقل اهميه عن الاولى...... ........اني اخاف بشكل غير طبيعي من الهوا... اي هبة هوا تسبب لي قلق.. وطبعا الهوا عاقني عن اشياء كثيييييير... ومحد فهمني ويحسبوني اتصنع هالشي للفت انتباههم مثلا....ودايم اذا حسيت ان الهوا اشتد اروح اركض على فراشي واسد اذاني واسوي حركات غبيه ...يتفلسفون علي كثير ويقولون لي ان الهوا موب مطيرك... طيب انا داريه منيب غبيه... بسسسسسسسسس والله مااقدر اتحكم في نفسي...اخاف بقوووووووووووه...واتمنى الموت في ذيك اللحظات...

أ.سليمان حالتي صعبه ... ولو اني منيب بنت اصل ..كان اتوقع اني سلكت طريق منحرف عشان اخفف على نفسي هالاشياء بس الحمدالله والله يثبتني ...

اممممممم قلت لي شخمطي وشخمطت ادري اني ماخليت شي بس اخيررررااااا تكلمت عن نفسي .... على فكره المنتدى مريحني ...لاني كنت اكره فكرة ان الناس يسمعونك بفلوس... وتحسسني ان الدنيا مافيها خير...

شكرا مره ثانيه والله يجزاك خير ويسعدك في الدنيا والاخره يارب يارب يارب

المصدر: نفساني