نفساني - عرض مشاركة واحدة

19-11-2012, 04:33 PM

اقتباس:

المشاركة الأصلية كتبت بواسطة همي رضاك ربي

تسلمين حبيبتي اسراء على الرد

اان الحمد لله من فضل ربي احس حالتي افضل بكثير عن قبل
لكن فكرة الموت ملازمتني وكل شي اقوله لااهلي او اسويه او صديقاتي او معلماتي اقول الحين اكيد لمااموت بيتذكرون هالشي فليش اتكلم واعذب نفسي واعذبهم فالبدايه حتى وانا اسولف مع اهلي او صديقاتي وجاتني هالفكره ابدا اسرح واترك السالفه واتلخبط لكن الحين الحمدلله صح تجيني واتضايق لكن اكمل السالفه واضحك واستانس حتى لو مو من قلب <<قوليلي وش رايك اللي اسويه صح

وياليت تقولين لي اعراضكـ وشو اللي راح منك واللي لسى للحين معك واكثر شي تعانين منه عشان بحول الله نساعد بعض

ولاتنسين تداومين على اذكارك وقراءة القران وذكر الله

بصى انا هقولك كل حاجة بالتفصيل

انا مخطوبة وحياتى كلها عيلتى وخطيبى وماليش علاقة بحد و حتى اصحابى مكنتش بكلمهم علشان ابعد نفسى عن المشاكل جاتلى واحدة صاحبتى قبل ما اتعب قاالتلى انا نفسى ابقى مروقة راسى زيك وانا عارفى انها عنيها حسّادة تمام
طول عمرى بحب اصلى ومنامش الا وانا مصلية عشان بخاف انام مقومش بس كانت افكار عارضة بتيجى وتروح مكنتش حطاها فى دماغى
بداية الموضوع جاتلى فجأة حسيت انى مخنوقى وعايزة اعيط وبقيت ماسكة المصحف اقرأ وامسح صفحات المصحف من الدموع وخايفة من انى اموت جداً وفضلت افكر اهلى هيعملوا ايه وامى حالها هيكون ايه و خطيبى هيعمل ايه بعدى و هيفضلوا يفتكؤوا كل حاجة كنت بعملها ويبقوا متعذبين ازاى
كانت تجينى حالة بكاء بالليل برعشة بخفقان فى القلب احس انه هيقف و كنت اسمع القرآن احس ان قلبى واجعنى واقول دى السورة اللى هتتقرى عليا بعد الموت وكنت سمعت ان الميت بيحس قبلها ب 40 يوم فضلت والله متعذبة وصلت لمرحلة انى كنت بحس انى هموت دلوقتى حالاً وافضل اعيط بطريقة هيستيرية وكنت بربط نفسى بمواعيد المناسبات واقول هموت قبلها و خايفة مش قادرة اخرج من البيت احس انى مش هرجع مكنتش بنزل جامعتى و مكنتش بنام فى غرفتى و بخاف ابقى لوحدى حياتى وقفت تماماً وكنت ببص لأهلى كأنى بودعهم ومكنتش بعرف انام بالليل

بس الحمد لله انا دلوقتى الاعراض اللى مش عندى عرفت انام بالليل ومبقتش اعيط ولا بتجيلى رعشة وبقيت بقرأ قرآن عادى جداً وبقيت بنزل بس مش فترات طويلة يعى مش بروح الجامعة احضر محاضرات عشان فترة كبيرة عشان لسة بخاف
بفكر لسة بس مش زى الاول طبعا وبربط نفسى بمواعيد لسة بس عشان انا بخاف اصلا من الشتاء مع الحالة دة تخيلى يعملوا ايه فيّا
ودلوقتى على طول بحس انى مش هعيش لحد ما انجوز عشان كدة عايزة اخلص منه خالص عشان اعصابى تعبت
طولت عليكى معلش :))