غــــريـبـــه

بيانات اضافيه [ + ]

رقم العضوية : 39907  تاريخ التسجيل :  08 2012  أخر زيارة : 04-07-2014 (05:48 AM)  المشاركات : 161 [ + ]  التقييم :  35

لوني المفضل : Cadetblue

يااالسويدي خلاص يكفي ترى بتنهبلين من سالفه الاحلام وخصوصا الضروس عاد انا يوم قريت موضوعك اللي قبل حق الضرس ماقصرت انا وجهي على طول حلمت بالضروس وقمت
وفيني غصه وضيقه صدر يعني وسوستي باللي يوسوس وباللي مايوسوس


بعدين ابقولك لاعمرك تسألين صاحباتك عن احلامهم وش عليك منهم ومن احلامهم من جد انقهرت واذا بيتكلمون غصب قولي لااحد يجيب لي طاري الاحلام وقولي لهم لاعمري اسمع وحده تتكلم بالاحلام
انتي ابتعدي عن الاشياء اللي تخوفك الله يهديك ابعدي عن اللي يسولف بالاحلام لاتقعدين معها

اماسالفه تفسير الاشياء بطريقه سلبيه (هذي ليش دقت على) (وهذي ليش سالت عني)
طيب وش فيها يعني اول مره تسألك عن اخبارك
وسالفه المشاكل عادي بعد يعني اول مره تصير مشاكل
وترى الاسنان ترى موب معناها شئ شين بس الناس قامو يفسرون على كيف كيفهم يمكن تصير هموم وبعض الاحيان تصير تفكير شفتي وشلون
لو الواحد يكبر عقله ويسمع كلام الرسول محمد صلى الله عليه وسلم كان ماصار شئ
يعني وش نبغى اكثر من كذا بس حنا نروح نحوس وندوس ونغوص بالحلم ونروح نفسره بشئ شين
الله يعين ويشفينا ويطول في اعمارنا في طاعته

مالك ومالنا الا الدعاء

الوسواس مثل الباب اللي يعيق حياتنا والمفتاح هو الدعاء

انا شفت موضوعك الاول وقريته اللي هو((((( أنا في هَمَّ لا يعلمه إلا الله سبحان و تعالى ! ))))))) اما هذا الموضوع ترى ماقريت بس شفت الردود وفهمت السالفه
يعني دخلت ورديت بدون مااقرى شئ لاني موسوسه اخاف اقرى واشتغل وسوسه عاد انا مايحتاج ماتوصين حريص على طوول ابدى وسوسه
المستفاد من هذا الهرج انك تبتعدين عن الامور اللي تجيب لك الهم والوسوسه لاتقعدين تركضين ورى الاحلام ترى بعدين ماراح تقدرين
تشلين نفسك منها واتركي سوالف صاحباتك واحلامهم
وانا اقول خلينا نشتغل بالدعاء
شدي الهمه وشدي حيلك بالدعاء وندعي لبعض وبكذا بأذن الله راح نساعد بعض اكثر
الله يشفينا ويطول في اعمارنا جميعا امين يارب العالمين

شوفي اناا اعرف انه غصب عنا نوسوس ويجي هذا الاحساس واعرررف انه احساس صعب ويتعب ويشيب بالراس
انا مالومك لكن الومك لانك تساعدين الوسواس يعني تمشين على هواه قال امشي يمين مشيتي يمين قال يسار قلتي ابشر امشي يسار
يعني مااشوفك تقاومين

ومثل ماقلتلك يالسويدي تحذير ابتعدي عن سالفه الاحلام واذا حلمتي حلم شين سوي مثل ماقال الرسول محمد صل الله عيه وسلم ولاراح يضرك شئ ابد

كلام الرسول عليه افضل الصلاه وازكى التسليم واضح وضوح الشمس (( الرؤيا الحسنة من الله فإذا رأى أحدكم ما يحب فلا يحدث به إلا من يحب وإذا رأى ما يكره فليتعوذ بالله من شرها ومن شر الشيطان وليتفل ثلاثا ولا يحدث بها أحدا فإنها لن تضره ))
يعني وش نسوي اذا شفنا حلم موب زين على طووووووول نتفل عن يسارنا ونستعذ بالله من الشيطان الرجيم ولا نخبر أحدا ونحافظ على أذكار النوم وبذلك لن يصلنا ضر إن شاء الله .

ففي الحديث: إذا رأى أحدكم شيئا يكرهه فلينفث عن يساره ثلاث مرات وليتعوذ بالله من شرها فإنها لن تضره متفق عليه

قال أبو قتادة راوي الحديث: إن كنت لأرى الرؤيا أثقل من جبل فما هو إلا أن سمعت بهذا الحديث فما أباليها


طولت عليك وكثرت الكلام لكن ان شاء الله قلت كلمه مفيده او على الاقل جمله مفيده واعذرني احس كلامي مخربط ومو مرتب لاني متحمسه وانا اكتب

دعواتك