نجود عمر

بيانات اضافيه [ + ]

رقم العضوية : 41432  تاريخ التسجيل :  11 2012  أخر زيارة : 09-12-2012 (02:02 PM)  المشاركات : 16 [ + ]  التقييم :  10

لوني المفضل : Cadetblue

هذه حآلتي أبي رايكم ..

السلام عليكم ورحمة الله وبركآتة

مشكلتي بدأت من شهرين أو أقل تقريبآ ..

أنا عمري 19 وأدرس بجآمعة وسآكنة بسكن جآمعي لي سنتين

قبل شهرين كانت حالتي ولله الحمد طبيعية جدآ

ولكن بسبب أنني حآملة مادة وهذه أخر فرصة لي للنجاح فيها بديت اتوتر وأخاف على مستقبلي

وصرت احس بصعوبات بسيطة بالنوم بس طنشت الفكرة الا ان جا يوم وانقلبت موآزين حياتي

رحت للجامعة وأنا مواصلة بسبب عدم مقدرتي على النوم

ولما رجعت ماقدرت انام وخفت خوف شديد وبديت افكر ليش انا م انام

شغلت صورة البقرة وغفيت غفية بسيطة وجا اخوي ياخذني بما انة يوم الاربعاء

طلعت ونمت شوي بالسيارة ولما رجعت البيت نمت حوآلي ساعتين

بعدين ارتحت شوي ولما جا الليل شربت نعناع عشان أروق وانسدحت شفت انة ماجاني النوم فقمت وطلعت برآ

وحسيت بعبرة خانقتني لما صليت الفجر جلست ابكي عند اختي وبدت تهديني وان هاذي حالة طبيعية يمكن يمر فيها اي شخص

رحت اقرا الاذكار واحاول انام

كنت بفكرة اني لما انام خلاص برتاح وبيروح مني هالتفكير

ولكن للاسف يوم صحيت حسيت بضيقة شديدة واكتئاب وخوف لايوصف رحت خذيت لي شور

ورحت للمستوصف القريب ونصحني دكتور الطوارئ بالمشي وذكر الله وراح اهدا

كملت ايامي عادي ولما رجعت السكن طمنوني صديقاتي الله يجزاهم خير وراح مني القلق والتوتر وتحسنت حالتي بشكل لايصدق حسيت اني شبة طبيعية

ولما رجعت عشان اجازة العيد قررت اني اعيش عادي واطنش التفكير الين استمرت معي الحالة شهر وزيادة قلق بسيط وتوتر وخوف من عدم النوم

بعدها رجعت السكن وكلمت اخوي وقلت له لازم اروح دكتور نفسي

حجزت في مركز مطمئنة عند الدكتور وليد الزهراني ولما رحت عطاني فن الاسترخاء وصرف لي السيبراليكس مع أني احس ان حالتي ماتحتاج دواء

ولا احس انة طمني او فهمني كثير

ابي رأيكم بالدكتور وبحآلتي

أرجوكم لاتبخلون علي بتجاربكم

المصدر: نفساني