المشاركة الأصلية كتبت بواسطة بوسلمان

وعليكم السلام والرحمه

بخبرك عن تجربتي مريت على جميع التخصصات وكل دكتور في تخصصه يقول ان الحاله تبعه (يعني مال الاذن يكول من الاذن ومال الاعصاب يقول من الاعصاب ومال العين يقول ممكن ومال القلب يقول ممكن وهكذا )
شرحوني تشريح وكل دكتور يفصل المشكله حسب تخصصه وكلامهم صحيح على فكره علميا لكن السؤال انا ويش مشكلتي بالضبط وبالنسبه الى تخصص المخ والاعصاب
راجعت عند اربع دكاتره وهم من اشهر الدكاتره عندنا بالبحرين ولا اتفقو على راي وكل دكتور كان له علاج الي يشوفه هو الانسب وكانو يسئلوني كثير (عشان يشخصو حالتي ) وقالو قلق وتوتر وصدقتهم وجربت ادويتهم
شغلي انام بس كله مخدر لين كملت الفتره المطلوبه ووقفو الدواء عني رجعت لي المشكله ، المهم لا اطول عليكم
فكرت في حالي وعن الاسباب الي جابت لي قلق وتور حقيقه مالقيت لئني كنت جالس احقق انجازات في عملي وجالس انجح في خطواتي والحمد لله اسرتي مافيها مشاكل والي بشكل عام اموري ماشي تمام
حتى اول ما صادتني الحاله كنت جالس مع اصدقائي في مقهى ونسولف ونضحك ، بعد ما شككت في كلام الدكاتره قلت نعم ممكن بعد الدوخه جاني قلق وتور وبنفسي اقول اذا فيني حاله نفسيه فهي بسبب الدوخه لئنها خسرتني شغلي وبعدتني عن عيالي والخ

اشد عليكم واقول لكم راجعو طبيبكم وتشاورو معاه بخصوص العلاج الي ذكرته لكم وخلوه يخليكم تجربوه لو اسبوع وتشوفو النتايج

لئن عايش نتايج هذا العلاج ولله الحمد ماشي دوخه نهائيا عندي واليوم كنت مقرر اطلع لحالي لولا الغبار الي دار عندنه

شدو حيلكم خصوصا يالي جربو ادويه كثير وما نفع معاهم

ربي يوفقكم