نفساني - عرض مشاركة واحدة

13-12-2012, 03:21 PM

السلام عليكم
اختي المعتصمة بالله ربنا يبارك فيكي ويقيمك سالمة انتي والبيبي
والله انا والحمد لله اموري تمام نشكر الله نوبات الهلع خفت كتير والوساوس والافكار المزعجة صرت اصيطر عليها
واقول بنفسي كلها اوهام وما اعطي الموضوع اهمية لكن عندي مشكلة انو انا منعزلة عن الناس ولا بطلع من البيت لاني ازا طلعت
بيسير عندي وجع راس ودوخة وبحس اني بدي استفرغ وما اصدق عن الله وانا ارجع للبيت منشان هيك ما بطلع ما بشوف الناس ولا بخطلط
فيهم وازا اجا احد عندي بنزعج ما اصدق وهو يطلع من عندي
وطبعأ الاقارب ما قصروا معي بس خلفت وهاد الشي دين ولازم تسديه وعلمك يلي بتخلف في العيلة شو لازم اعمل معها
وكيف لازم اتصرف والمعروف اللي بيوقف معك لازم توقف معوا وهاي اكبر معاناه بعانيها وازا صار مناسبة يبسير اتحجج
واكزب انا تعبانة انا ابني تعبان منشان ما اطلع ولا اشوف احد
مع العلم انوا وانا حامل كنت احكي انشاء الله بس اقوم سالمة
بأذن الله غير اغير كل مجرى حياتي وهيني ربنا قامني سالمة ورجعت متل اول منعزلة كلامي عالفاضي كان بالهوا يعني متل ما بيحكوا
الله يشفينا بالنسبة للعصب السابع ما خف عني بعدوا متل ما هو وعاملي قلق كتير والله.
انا ما بدي اوجعلك راسك معي المهم انتي حبيبتي كيفك هسا نشالله احسن والبيبي كيفوا نشالله اموركم تمام الله يقيمك سالمة ويرزقك مولود كامل الخلقة والاخلاق يا رب
احكيلي ايا شهر سرتي وشو بين معك جنس المولود ولد ولا بنت وارمي اتكالك على رب العالمين وما تخافي من ايا شي واحنا كل اللي عنا اوهام
(والوهم نص الداء . والاطمئنان نصف الدوااء . والصبر بداية الشفاء .) امشي على هالاساس
وتوكلي على الله وكل ما تحسي بشي ازعجك احكي هاي كلها اوهام انا ما فيني شي بتروقي انشاء الله
وهاد الشي بحكيلك اياه عن تجربتي والله .. وطمنيني شو بيسير معك الله يوفقنا جميعا اختك بالله ام ماريا.