ابو علي313

بيانات اضافيه [ + ]

رقم العضوية : 38628  تاريخ التسجيل :  05 2012  أخر زيارة : 23-08-2014 (08:12 PM)  المشاركات : 282 [ + ]  التقييم :  10

لوني المفضل : Cadetblue

صارلي شهر ونصف من استخدام سيروكسات 20مج وبصراحة تحسن كبيييير بالنسبة للرهاب والاكتآب والافكار السلبية،
يعني صرت أحب اجلس مع الناس من خاطري وأحس بسعادة معاهم عكس قبل، وأيضا الأفكار السلبية تقريبا اختفت بالكامل وأحس مستانس بالحياه وقلبي طيب ومشاعري انقى واقوى واضحك من خاطري وطيب مع الناس بدون تمثيل أو مجاملة وهادية نفسي وما اعصب الحمدلله بعدد ما لا يحصيه الا هو،

بس الوضع مو ثابت دايما، يعني تجيني حالات ضيق أحيانا بس تكون غالبا بسبب ظروفي الحياتية،

وأيضا المشكلة عندي هي ضعف البدن والنشاط والنحافة وهذي مشكلتي الأساسية قبل الأدوية بس في تحسن بسيط بس مو كافي حتى أكمل دراستي،
وعندي الشهية ضعيفة والسيروكسات ضعفها في البداية وبعدين رجعت ومرة ضعفت شوية وتو رجعت وهكذا الوضع مو ثابت،

ولعلمك أنا من قبل عندي تذبذب مزاج وحالات اكتآب مع ارهاق من زمان، وحالات هوس خفيف واستخدمت مثبتات المزاج بدون فائدة، والحين اجرب مضادات الاكتئاب،

السيروكسات من اقوى الأدوية خاصة للرهاب لكن ما انصح باستخدامه الا كخيار أخير لأنه في كثير من الأحيان ( وليس دائما ) يبطل مفعوله عند تركه ويسبب اعراض انسحابية مزعجة ومتعبة كثير عند تركه،
لكن بالامكان تجنبها بالتدرج البطيء لمدة 6 شهور أو أكثر حسب الجرعة المستخدمة.

وأيضا لا انصح الفتيات باستخدامه والله يغنيهم عنه لأن وقت الحمل يكون غير أمن على الجنين ولا يمكن تركه بسرعه

لكن للشباب اللي جربوا الأدوية الاخرى ووصلوا لليأس وماعندهم مشكلة يأخذوا الدواء طول العمر انصحهم يجربوا سيروكسات كخيار أخير وبجرعة لاتتعدى 20 والأفضل 10مج ولاتزيد عن 20 الا بعد تجربة 3شهور على 20 مج بدون فائدة.

وأنا أقول هذا الكلام عن تجارب كثيييير من المرضى ( أكثر من 300 مريض ) من المواقع الاجنبية. وعلى قول المثل اسأل مجرب ولا تسأل طبيب.

ما اقدر احكم لحد الان بنجاح الدواء حتى تثبت الحالة لمدة اسبوعين على الاقل ، لكن بصراحة شعور التحسن اللي وصلت له كبييير وممتاز بس مشكلة ضعف البدن تعيق حياتي اما النفسية الحمدلله اوكيه وحتى لما تسوء تكون خفيفة جدا،

اعتقد الناس اللي ما عندهم تاريخ تغير مزاجي بيكون وضعهم ثابت لما يتحسنوا مع السيروكسات بدون انتكاسات،،

وبالتوفييق للجميع،،