ديك الجن النجدي

بيانات اضافيه [ + ]

رقم العضوية : 40781  تاريخ التسجيل :  10 2012  أخر زيارة : 05-05-2013 (08:45 PM)  المشاركات : 18 [ + ]  التقييم :  10

لوني المفضل : Cadetblue

تألمت وانا اقرأ رسالتك وشعرت بالمعاناه اللي تحسينها صعب جدا ان يكون الاخرين يضحكون علينا
ونحس انفسنا مسخره واغبياء وما نقدر نرد وتاكدي انه كل رهابي ويمكن كل انسان تمسخرو فيه الناس يكفيك ان الرسول
اشرف الخلق قابلوه كفار قريش بالسخرية
اول خطوه انك ما ترفضين المسخره اللي صارت اوتجبرين نفسك على نسيانها او تضغطين على نفسك عشان تنسيها
هي صارت لان كان عندك ظروف معينه
مثل لما نجيب واحد مقطوعه رجله اليمين ونقوله انطلق في سباق مع عدائين أقوياء
هل راح نلومه ونقول ليش فازوا عليك وليش مسخرو فيك ؟
راح يقول لان واحدة من رجولي مقطوعة
وقتها راح نعذره ونقول بالعكس كويس انك شاركت ورجلك مقطوعه
وانتي بعد بالعكس كويس انك كملتي ورحتي للمدرسه ومو بس كذا الا بعد نجحتي واخذتي الشهادة المتوسطه
اول خطوه اختي انك تتصالحين مع الماضي
لا تاخذين علاج ابدا في الوقت الحالي الا باستشاره طبيب ثقه
اول شي عليك انك تتقبلين نفسك
البنات مسخرو فيك لانك رهابيه مو لانك مسخرة
الشخص المقطوعة رجله فازوا عليه لانه ما يقدر يجاريهم فهو ناقصه شي
ويمكن يكون الشخص هذا يقدر يفوز عليهم مثلا بالعلم او بالكتابه او برفع الاثقال ويتمسخر فيهم بعد
انتي كان ناقصك قوة الشخصيه عشان يبطلو مسخره
وقوة الشخصيه تقدرين تتدربين عليها لكن اول شي تسوينه انك تقبلين الماضي
اذا قبلتي الماضي عشتي بالحاضر
والغريب انك اذا قبلتي الماضي راح من ذاكرتك ويمكن تنسينه تماما وما عاد تذكرينه
واذا ما قبلتي الماضي وظليتي تحاربينه وتقولين انا ما ارضى على المسخره وانا قويه اصلا كيف يتمسخرون فيني
وقتها راح تكونين مثل الشخص المقطوعة رجله وجالس يلوم نفسه ويقول كيف يفوزون علي في السباق ؟؟
انتي جالسه تلومين نفسك وتقولين كيف يتمسخرو فيني وانا ساكته ؟
اذا ظليتي كذا راح تكونين لا انتي غيرتي الماضي ولا عشتي الحاضر ولا بنيتي نفسك للمستقبل
وهذا افظع شعور يمكن يحس فيه الشخص انه يسكت امام اللي يتمسخر فيه
لكن اذا قرأتي الكلام هذا راح يتطور تفكيرك وراح تكون مسخرتهم شي عادي جدا
ويمكن تحسين بضعفهم لانهم ما قدرو يتمسخرو الا فيك ولو فيهم خير يتمسخرو بالبنات اللي يردون عليهم
هنا راح ترتاحين ويهدا تفكيرك وتفتحين عيونك على الحياه مره ثانيه
لكن شي مهم وهو انك لا يكون هدفك انك تبالغين في تحقيرهم وانهم ضعاف لا
لازم تكوني مرتفعه بتفكيرك وتتمنين لهم حياه سعيده وتسامحيهم
بكذا انتي مو بس خلصتي نفسك من العذاب لكن بعد انتي صرتي اعظم واكبر منهم
ارجو انك تقراين رسالتي بهدوء وتفهميها من اول حرف لاخر حرف
واي سؤال انا انتظرك وحاولي تتصالحي مع نفسك من الحين وشوي شوي تبدأين تتنورين بتفكيرك
بالتوفيق