اقتباس:
المشاركة الأصلية كتبت بواسطة منصور-الخالدي
السلام عليكم
والله أنا حالتي مدري وش وضعها صراحه لكن بسردها لكم
أنا كنت ادرس في دبي والعب في نادي و وضعي ولله الحمد أحسن منه ما فيه
فجاه في يوم من الأيام كنت اتمرن وجاتني أصابه الي هي قطع في وتر الأخيل
مما سبب لي هم و غم و شئ مؤ طبيعي .
رجعت البيت من المستشفى وضايق صدري بديت أدخن كثير
صحيت ثاني يوم احس بكتمه وضيقه والم في الظهر ورحت المستشفئ وقال بعطيك زانكس
لمده 12 يوم ليتني ما خذيته خلص طبعا ليله العيد وكنت ما اقدر ارجع للسعوديه والسبب الاصابه
صليت العيد و رجعت ونمت وحلمت حلم شين وقمت مترررروع جدا وضيقه و معرق واحس اني بموت وكل شي
طبعا قلت شكله مس او شي رحت للشيخ وقرئ علي وقال اثر عين وطبعا كنت محافظ على الصلاه وبعدها بدات الحياه بالتدهور
ضيقه طول اليوم ما فيه امل اخذ نفس كامل ابدا وفجاه جاتني بالسياره دوخه و ضيقه ورجفه قلت خلاص بموت وطبعا تجي في الاسبوع مره
بس الضيقه يوميا كل ساعه وكل دقيقه وكل ثانيه. طبعا مافيه نوم الا بالموت بعد الوسوسه و اشياء تدخل مخي
واجلس افكر مستقبلي بالكوره انتهى وحياتي انتهت كنت على بعد اسبوع وبوقع مع نادي اماراتي
ورحت دكتور نفسي عطاني انتابرو 10 جم وقال تستخدمه لمده سنه انصدمت وعطاني اميتريبلين 10 ملجم حبه يوميا من كل دواء
وصررررت ما افكر بشي دراستي توقفت الكوره ضاعت كل شي راح مني
جدا وضعي مزززززري ، اتمنى تساعدوني
|
وعليكم السلام ورحمة الله وبركاته
اهلين فيك اخوي منصور منور المنتدى وحياك بين اخوانك ..
الي حاب اقوله لك الي مريت فيه انت مو بسيط من صدمات ومن تدهور حالك واحلامك كانت معلقه ب الكوره
ولكن احس جاك اكتئاب بعد ما صارت لك الاصابه ولا قدرت توقع العقد مع النادي الي ابي اقوله لك اشياء سهله
اول شي من كلامك مبين انك حيل متحطم والدنيا سوداء في وجهك اول شي ترا الهلع شي تافه والله ويبي انت تساعد نفسك
لان لو تبي الشفاء باذن الله بجانب العلاج الي اعطاك هو الدكتور ممكن تقدر تغير مجرى حياتك 85% والباقي ع الدواء
يعني لا تشيل هم قدر الله وما شاء فعل وعسى ان تحب شئ وهو شر لك قول الحمد لله واللحين ساعد نفسك وانت باين عليك
عزيمتك حيل قويه وانك تبي ترجع انسان طبيعي وتعيش حياتك وتهتم في دراستك اول شي شوف مافي احد معه نوبات الهلع ومات
ولو تلاحظ بعد ما تعدي عليك نوبت الهلع تضحك على تصرفاتك الي كانت وقت النوبه ومن الافكار الي تحسها
وتقول ان الحياه انتهت وفي في الصحيح ما انتهت ومشاء الله عليك انت انسان محافظ على صلاتك وهذا شي حلو
يعني مافي اي شي باذن الله يوقف في وجهك ضد المتخلف الهلع خذ بيدك يا منصور ولا تفكر في النوبات والهلع واشياء
ولا تفكر في اي شي تافه اما زمان كنت اعاني من القولون العصبي وكان اي الم في بطني اقول انه شي خطير وحسيت من كثر ما تترد
ع المشفى تحس انك شخص فيك شي ؟ بس حمد لله تركت العاده ذي وحاولت مع نفسي حتى تخلصت من الشعور ذا
وربي يوفقك وطمنى عليك ..