نفساني - عرض مشاركة واحدة

10-01-2013, 05:50 AM

السلام عليكم اختي.....
اول شي انا بعتذر كتيير اني فكرتك شب ههههههههههههه واسف ما انتبهت .....انا شب سوري عايش بالكويت وعمري 23 سنة طبعا قبل لا تجيني النوبة كنت اسعد انسان بالدنيا ما كنت شايل هم شي وكانت كتير حياتي حلوة والحمد لله على كل حال...المهم بيوم من الايام رجعت من دوامي الساعه 8 الصبج وطبعا دواني نظام شفتات كنت متسطح بدي انام فجأة حسيت بنغزة تقريبا فوق خاصرتي وبنفس الوقت اجاني شعور الموت وطبعا قمت من الفراش حسيت بنغزة تانية قلت خلص الموت قمت استغفر ربي واتشاهد...ومن يومها بدا الحزن والخوف والاكتئاب والقلق سكن فيني طبعا يومها ما عرفت انام كنت خايف ازا نمت اموت المهم طبعا ضليت شهرين تقريبا على هالحال وانا لسى ما بعرف شو فيني بس اللي بعرفو انو خوف مو طبيعي من الموت طبعا رحت حللت والحمد لله كل شي سليم ومافيني شي وكنت على طول ابكي نفسي اعرف شو اللي فيني ومع الايام صرت ادخل على النت واتوهم بالامراض واخاف كتير انو اكوون مريض او شي بعدين لما صرت اكتب الاعراض صار يطلعلي وسواس قهري ومن هالكلام وبعدين عرفت انو كل اللي بيجيني نوبات هلع والحمد لله على كل حال صرت اتخيل كل شي بحياتي الموت اول فترة ما كن اطلع من الببت كرهت كل شي ما بئى بدي فلوس ولا سيارة ولا شي بس اللي كنت افكر فيه راحتي النفسية وكرهت دوامي وصرت اكره اي حدا بيحكي عن الموت قدامي ونا امشي معو وحالتي حالة خليها على الله وطبعا من لما اجتني التزمت بصلاتي والحمد لله طبعا صلاة وقرأن واستغفار واذكار وكل شي كنت اعملوو بس سبحان اللي لما كنت اصلي او او الخ... كنت اضل خايف وكتير اخااف وخاصة لما اصلي وهلا كل ما اقرا قرأن او اصلي او استغفر ربي بيجيني شعور خوف مو طبيعي عشان هيك وقفت عن كل شي استغفر الله يا رب تسامحنيوطبعا احيانا هيك تمر علي لحضة احس اني مو موجود بالدنيا او اني انسان من عالم ثاني لما كنت اطلع بالناس واشوفهم يضحكو ومبسوطين اقوول ليش هيك بيعملو واخر شي رح يموتو انجنيت رسمي الله وكيلك وهلا مع الايام بطلت اقعد بالبيت لاني صرت اخاف من البيت وصرت ما ارجع عالبيت الا ازا بدي اناام حتى اهلي عم يعاتبوني اني نا عم اقعد بالبيت وهني مو حاسين باللي بعاني منوو موو قادر اقعد بالبيت متل اول نفسي اقعد متل اول بس ما عم احسن بضل خايف وطبعا كل فترة وفترة بتيجيني حالة ارق وما بنام غير3 ساعات وكل شي بفمر بالموت الفجأة وخايف انو اموت فجأة واشياء كتيير عم تصير معي ما عم احسن اوصفها لانو مو كل شي بنحسو بنقدر نحكي فيه وانا كنت نازل عالارد ن عشان اروح عند دكتور نفسي هناك وما قدرت صارتلي شوية ضروف وما قدرت انزل وانا بصراحة مو حابب انو اتعالج بالادوية هلا لانو لساتني صغير عالدوام وانشاء الله قبل ما اروح عند دكتوور نفسي بدي اجرب اعمل حجامة لانو حكولي الحجامة كتيير منيحه وبتعالجك من كل شي انشاء الله بدي اعملها وازا استمريت على نفس الاعراض انشاالله رح اروح عند دكتوور.....وهي قصتي باختصار واسف كتير ازا طولت

وشكرا.....
عبدالله الاحمد