نفساني - عرض مشاركة واحدة

19-01-2013, 05:11 PM

بسم الله الرحمن الرحيم
اولا انا قلبى معاكم لانى حاسس باللى تحسونة
انا عمرى 31 عام
وظيفتى اخصائى اجتماعى ودارس علم نفس واجتماع طبعا
مشكلتى بدأت من 2008 يعنى من خمس سنوات
عندما توفى احد زملائى بالمدرسة هو اكبر منى بس كنت مرتبط بية
بدأت عندى اعراض خوف وارق وعدم ارتياح وبعدها بفترة بسيطة مات احد الشباب فى البلد
بدون اى مقدمات
بعدها بكام يوم جائتنى نفس الاحاسيس التى جائتة قبل ما يموت واللى سمعتها من الناس
جلست اكتر من ساعة خايف ومرعوب وقولت خلاص هاموووت دلوقت وكنت خايف انزل اصحى امى لانة عمل كدة ومات
المهم من شدة الخوف نزلت وصحيت امى واول ماصحيت وقولتلها تعبان بدأت اترعش رعشة فظيعة المهم فكرونى بموووت
قعدوا يقولولى استغفر واتشاهد خفت اكتر المهم خدونى على المستشفى وطول الطريق وانا حاسس انى هاموت خلاص لان صاحبى مات وهو رايح المستشفى
المهم دخلت المستشفى والدكتور عمل لى رسم قلب وكان كويس وقال لاهلى دا عاوز رقية شرعية شوفوا له شيخ
ومن يومها بدأت اتردد على الاطباء والكل يقول مافى شىء بس انا حاسس ان بى مرض
على طول خايف وابكى وعندى دوخة فظيعة تيجى على فترات المهم بعد معاناة وصراع سنتين قولت اتزوج يمكن اطلع من اللى انا فية
وكنت حبيت زميلة لى فى العمل بس كانت اكبر منى بخمس شهور اهلى رفضوا وانا تمسكت بها لانها كانت فهمانى وحاسة بى
المهم بعد ضغط وتعب وشفت الويل تزوجتها وفى يوم الفرح واثناء الرقص جاتلى دوخة فظيعة عمرها ماجت لى بعدها جلست على الكرسى طول الفرح ما وقفت غير
لاسلم على اللى يجى يسلم على وكنت ماسك فى الكرسى
وخايف اسقط على الارض بعدها الفرح خلص وعدى على خير بس كنت حاسس ان انا فى دنيا والناس فى دنيا تانية (ليس عندى احساس بالواقع )
وقضيت اسبوعين الفرح الدوخة تلازمنى وعدم اتزان فظيع بس من الناحية الجنسية كنت طبيعى
ومن يوم الفرح ليومنا هذا الدوخة بتزيد وصداع وعدم اتزان واعصابى سايبة خالص
فكرت كثيرا فى الانتحار ولكن عندى ولد عمرة سنة ونصف ذنبة اية وذنب مراتى اية فكرت ننفصل بس ما اقدر ابعد عنهم
مشكلتى دلوقتى فى الدوخة وعدم الاتزان ارجوكم اية الحل
وانا اسف جدا جدا للاطالة بس غصب عنى

المصدر: نفساني