المشاركة الأصلية كتبت بواسطة (نوفا)

اسمح لى أنا ممكن أقولك تعمل إية وببساطة ..والكلام لك ولجميع من بحالتك ..

أولا لازم تعرف حاجة مهمة جدًاااا..إن 90 % مما نخافه ونقلق منه لايحدث إلا فى عقولنا
من فضلك ..هات ورقة وقلم وسجل فيها ..كم مرة خفت من الموت ..وكم مرة قلقت من الدوخة ؟؟
سجل عدد المرات ..أظن هتكتشتف أنها ألاف المرات ..ولا مرة فى المرات دى أنت مت فعلا ..

ولا الدوخة وصلت لأى مرحلة خطيرة لأن ببساطة الدوخة والخوف من الموت من صنعك أنت
كل اللى بيحصل إنك بتكدر حياتك وبتمنع نفسك من الاستمتاع بحياتك وبإبنك ..
أنا عارفة أنك هترد عليا وهتقولى دة غصب عنى ..هقولك لا ..مش غصب عنك
واتحداك انك ممكن توقف التفكير فى الموت وكمان ممكن تروح الدوخة منك خالص
افتكر كلمتى فى الأول ..90% من مخاوفنا لا تحدث إلا فى عقولنا .(.طبعا ال10% الباقية

هى مخاوف حقيقية لاسباب تستحق ..مرض عضوى حقيقى يستدعى العلاج ..أو مواجهة أزمة طارئة )
المهم خلينا فى ال90 % اللى احنا بنصنعها بنفسنا ..وهقولك القرار قرارك ..أنك تقرر تمنع نفسك من التفكير
فى الدوخة أو الموت ..خذ القرار واعطى الأمر لعقلك حتى يتوقف عن التفكير فى أى شىء سلبى
وممن تستعين بهذا التمرين ..
(كيف يمكن التوقف عن التفكير :


لتحقيق الفراغ الفكري ..يمكنك القيام بذلك التمرين

تخيل أن أمامك سبورة سوداء و كلما جاءتك أي راودتك فكرة قم بمسحها من السبورة ...

كلما مسحت الفكرة بسرعة كلما أمكنك التحكم في أفكارك ...

بهذا تكون مررت من مرحلة التحكم التام في الجسد ... لمرحلة التحكم في الفكر ...

لا تدع أية فكرة تظهر ... قم بمسحها بسرعة ... و بسرعة كذلك ستجد نفسك فعلا لا تفكر في أي شيء

... فالتمرين خدعة لا شعورية أي إيحاء بطريقة غير مباشرة ... كي لا تفكر في أي شيء ...


بتحقيقك للفراغ الفكري ستشعر أنك هنا و لست هنا ...

شعور غريب لن تفهم كيفيته إلا بالتجربة ... حالة الفراغ لا تدوم طويلا ...

بضعة ثواني فقط لا تتعدى 15 ثانية إلا بكثرة المراس و التمرين ... لكنها تزيد من تعميق استرخائك الفكري و النفسي ...


طبعا لن تصل إالى خلو كامل إلا بعد مواصلة التمرين مرات ومرات..)

ومع التمرين السابق وتكراره مع تمارين التنفس والاسترخاء واستبدال أى فكرة سلبية عن الموت أو غيره

بفكرة إيجابية ..ومع الإلحاح على الله بالدعاء انا واثقة انك هتكون بألف خير وكمان اسبوع هتكتب هنا وتبشرنى

انك اتحسنت واصبحت بخير ..

وهكررها تانى لك ولغيرك ممن تعانون ..

كتير من مشاكلكم النفسية هى أفلام تصنعوها بأنفسكم ولا يشاهدها غيركم ولا يكتوى بنيرانها غيركم

فتوقفوا عن صنع هذه الأفلام ...