لاحظت ان اغلب الموسوسين هنا يشتكون من وسواس الموت و بما اني كنت منكم ذات يوم قلت لازم افيدكم لوجه لله واعطيكم من خبراتي وطريقتي في المواجه مع هالوسواس
اولاً انا مقدرة تماماً مقدار معناتكم مع هالوسواس .. لاني مريت فيه وبسببه حرمني من الاستمتاع بالحياة وخلاني ( مثل الزومبي ) ميتة بس حية
اتبرمجت على فكرة اني راح اموت بطريقة بشعة وغير متوقعه وربما مضحكة والعالم راح تتكلم عني ويقولون مسكينة ماتستاهل الي صارلها
اي شي فيه خير اسويه او حتى شر .. تجيني فكر اني راح اموت بعدها والناس تقول ( كانت حاسه عشان كذة الله وفقها لعمل الخير وقبض روحها ) او اصير عضة وعبرة للاخرين
والناس تتناقل قصتي والشيوخ يقصونها عبر الشرايط والكتب
كنت اخاف اركب الطيارات
كنت اخاف السافر بليل وبطريق حتى لو كان آمن
كل ماطلعت لاي مكان ( لسوق مثلاً ) يجيني احساس اني راح اموت في ذلك المكان واشبع موت
كل وقت كل لحظة كل دقيقة كل ثانية .. مووووت
حتى لما اطلع امشي بالحوش ( فناء المنزل لغير الناطقين بالخليجية ) يجيني احساس ان فيه شي راح يطيح فوق راسي وانطحن طحن واموت
اشوف السكاكين او المسدسات وكل ماخف او ثقل من المعادن واسئل نفسي بخوف ( اي من هذه الاشيئا سأكون ضحية لها ؟ )
اركب السيارة واقول هل سأكون ضحية حادث ؟
اما الجراثيم والميكروبات والفيروسات والامراض فحدث ولا حرج
وتطورت الحاله حتى وصلت لتفكير والوسوسة بكيفية هبوط ملك الموت ودخوله علي ونزعه لروحي .. والقلب لما يتوقف هل بحس بتوقفه وهل راح اتالم ؟
وشكل عالم الغيب لما اتحول لشبح او لروح ومين المخلوقات الي بشوفها قدامي وهل راح اشوف ارواح واتخرع واحس بلخوف والارتباك
مجرد التفكير بالمجهول خلاني ادخل بحالة خوف وقلق شديد
عشت في جحيم هالوسواس الى درجة اني فكرت اوسوس باي شي عشان انساه وبالفعل طحت بسواس يخص الشواذ والشذوذ ( الله يسملكم دخلت موقع فيه شواذ وجلست اسئل نفسي هم ليه كذة !! فرحت ادور بالمواقع وقمت اقراء بهالمقالات الي تتكلم عنهم لين طحت بأفكار واراء مهوس الجنس ( فرويد سيغموند ) بخصوص الشذوذ الجنسي وسوست فيه وبديت اشك بكل الناس وحتى فيني !! وخفت اتزوج واحد شاذ او اجيب اولاد شواذ وضاع سواوس الموت لبعض الوقت ثم رجعلي لما خف سواس الشذوذ ورجعت للمعاناة والاسواة من كذة ان هالسواس بغى يخليني اترك الصلاة لما وسوسلي اني راح اموت وانا بلحظة السجود ( المفروض افرح بس وانا بهالحاله اصابني الخوف والهلع )
وصارت الصلاة بنسبة لي معاناة مابعدها معاناة ... من اصلي يصير عندي خفقان في القلب واتصبب من العرق وافكار توديني وتجيبني .. مفادها اني راح اموت كذة وبهالوضيعة وكل ماسجدت اسمع دقات قلبي عشان اطئمن انه لسه قاعد يدق بل اني كذة مرة في الصلاة اضطريت امد يدي على الرقبة عن عشان اسمع دقات قلبي
لو اقولكم كل الي صارلي من تحت هالوسواس .. مابخلص فبعطيكم الزبدة وشلون تخلصت منه
اولاً ... ادعو الله بأن يبعد عنكم هالوسواس .. واستغلو الاوقات التي تكثر فيها الاستجابة
ثانياً ... العلاج يكمن بهذا الحديث ( أَكْثِرُوا مِنْ ذكر هادم اللَّذَّاتِ )
المطلوب المواجهة الحاسة .. وهذه المواجه يبيلها قلب شجاع .. ولست مسؤوله عن النتائج
لان هذه المواجه تتطلب شراء كفن ووضعه بمكان ما في الغرفة بيحث يمكن رؤيته بوضوح وكتابة وصية وزيارة القبور وسامع المواعض عن الموت وتذكر دائما قوله تعالى ( كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ )
ولو مت من هالمواجه عاد الله يرحمك
ابيكم تتكذرون بكل وقت اننا في الاخير بنموت ونصير طعام لدود وبنتحاسب على اعمالنا فليه نعذب انفسنا بشئ هو واقع لامحاله!! ( إِنَّكَ مَيِّتٌ وَإِنَّهُمْ مَيِّتُونَ )
مهما فررنا من الموت سياتينا في اي مكان او زمان وتحت اي ظرف ( أَيْنَمَا تَكُونُوا يُدْرِكْكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ )
المهم هو الاستعداد له لا الوسوسه فيه
وكبداية شوفو هالفديو
انا حي ومصير الحي يموت وياكله الدود
00``00`