كما هو واضح لكم في العنوان...والله العظيم يا ناس حنا اللي عيشنا نفسنا بوهم وحطينا في راسنا فكرة سيروتونين ودوبامين وطقتها..وزرعنا في راسنا فكرة ماراح اشفى الا بالدواء...النفس الإنسانية اعمق واكثر تعقيد من ان ننسب اي علة تصيبها الى الناقلات العصبية...انا مررت بتجربة طويلة مع الأدوية النفسية وتقريبا ختمت ابوها...وكم من دواء تركته ورجعت اجربه مره ثانيه واقول يمكن ينفع هالمره...اصلا انا اتوقع لو عطينا واحد حبة بنادول يوميا ونقول له ترى هذي حبوب تخلي المزاج حلو وتخليك مستانس,,,صدقوني راح يتحسن ويستانس وهي مجرد حبة بنادول...انا الحين صرت املأ وقت فرغي بأعمال ولو كانت بسيطة..لكن والله العظيم بديت احس بقيمة الحياة..صرت يوميا وقبل النوم لازم اعبي البانيو مويه دافيه واسترخي لمدة نصف ساعة وصدقوني الدش الدافي يعطيك راحة وخصوصا وانت متمدد..ثم ابخر الغرفة واعطرها واجلس اتابع فلم واحاول ادخل جو مع الفلم...وبعد العصر اروح للنادي واشوف الناس اللي رايحه واللي جايه واجلس اسولف مع اللي بالنادي...والله شعور قمة الروعة...طبعا انا استخدم بروزاك من مدة قريبه وشكلي ابقطع علاقتي بالأدوية اذا استمريت على هالحال مدة شهر...الأطباء النفسانيون لايعرف الا دوبامين وسيروتونين وادرينالين ولكنه لايعرف العاطفة ولايعرف شعورك بالتحديد ولايتناقش حتى معك في كيف تقضي يومك..طبعا ليس الكل ولكنه الأغلب للأسف..طبعا انا اتوقع اني تحسنت ليس بفضل البروزاك..ولكن والله كنت قبل ما اشتريه متفائل ومستانس اني بجرب البروزاك وحاس انه بيخليني ارتاح..الشعور والاحساس اللي عشته وامنت به هو اللي خلاني اعيش هاللحظات الرائعة بعيد عن عالم الاكتئاب وليست اقراص البروزاك هي السبب..وعشان كذا انا ناوي اتأكد من هالفرضية بإيقاف الدواء واشوف كيف الوضع...مساؤكم سعادة وفله ووناسه