|
حالة مرضية طويلة ارجو تشخيصها سريعا
انا بيحصلى دوخة وعدم الاتزان فى المشى والجلوس والكلام ده ملازمنى باستمرار وبيحصلى توتر وقلق رهيب وباخاف اضطلع من البيت اذهب الى مكان خوفا من الوقوع فى الطريق ولما اضطلع واجى امشى ابقى ماشى غير متزن تماما ومش قادر اقف وبيحصلى خيالات ووساوس وانا ماشى واقول لنفسى هاقع طبعا الكلام ده حصلى من حوالى ست سنين وعندى شحوب فى الوجه وعندى نبض فى جسمى غريب من الراس الى القدمين وباحس ان النبض ده بيدوخنى وعندى خمول وكسل ولما اجى اعمل مجهود احس بخفقان شديد فى القلب واحس انى هاقع على الارض لكنى اتماسك ولا اقع وفيه حاجة كمان بسبب هذه الحالة لما يبقى فيه جمع من الاهل اخاف اجلس معهم لانى ماببقاش قادر اقعد من عدم الاتزان واخاف ان حد يلاحظ علييا الكلام ده فيظهر عليا التوتر والقلق والاضطراب فأضطر اقوم من الجلسه كشفت عند الدكاترة اخرهم مخ واعصاب شخصلى الحالة انها التهاب فى عصب الاتزان واخذت علاجات والعلاج هو ديبوفيت b12 خليت الدكتور غيره الى نيوروبيون وبروزاك وبعد مدة طويله الدكتور غيره الى افكسر اكس آر وستوجيرون وتريفستال وبعد مدة كبيرة من العلاج وقفلى ستوجيرون وتريفستال ومشانى على علاج الافكسر اكس آر ونيوبيون بعد ما اتحسنت الى حد ما شوية بس انا لما لاقيت الافكسر ده علاج نفسانى قررت ان انا اتركه خصوصا لما قريت وعرفت عنه انه له آثار انسحابية سيئة فارجو تقولى اللى عندى ده ايه حالة نفسية ولا مرض عضوى ولا حاجة تانية خالص وارجوكم اهم حاجة فى الحالة دى تفسرلى النبض اللى فى جسمى دا باستمرار ممعلش اقلت عليكم ولكن عايز امارس حياتى لكن الحالة دى موقفة كل شىء فى حياتى حتى سنى كبر الى حد ما وعايز اخطب مش رادى بسبب هذه الحالة فارجوكم لو دكتور فى المنتدى عنده تفسير لمثل هذه الحالة انا حاولت اشرح الحالة على قد ما اقدر وجزاكم الله خيرا
|