|
ما اعانيه من قلق وتوتر عام
السلام عليكم ورحمة الله وبركاته ....
انا عمرى 27 سنه اعانى من قلق وتوتر عام من 11 شهر ذهبت لدكتورة نفسية من شهرين وقلتلها انى على طول بقيت خايفة احسن يجيلى هبوط او يغم عليا طول الوقت الفكرة دى مسيطرة عليا بدرجة صعبة اول لما بصحى من النوم طول الوقت احس ان دماغى تقيلة وغثيان وعيونى تقيله بحس ان عينى تقيلة وانا بحركها وبكون مدروخة يعنى دماغى مش مظبوطة ولما بحس الحاجات دى اخاف احسن يجيلى هبوط او يغم عليا وانا فى البيت ، تركت شغلى واخدت اجازة خوفا من الشعور ده ذهبت لدكاترة كتييييير وكانت النهاية عند دكتورة نفسية قالتلى انى باعانى من قلق وتوتر عام وكتبتلى على السيروكسات 20 مجم مرة مساء ودوجماتيل 50 مجم 3 مرات يوميا لمدة 10 ايام واروحلها بعد كده انا بصراحة خايفة جدا من الادوية لان قريت ان من اثارهم الجانبية الدوخة والضغط الواطى وده اصلا اللى انا بخاف منه وكمان النوم علشان اولادى اطفال وانا فى اغلب اليوم بقعد بيهم وحدى فبخاف من النوم .
انا عانيت من القلق والتوتر بعد ظروف صعبة مريت بها منها موت والدى وعمى وخالى فى 3 شهور متتالية فتعبت جدا .
اطلب منكم النصيحة لوجه الله اللى جرب السيروكسات والدوجماتيل مع بعض يقوللى تجربته معاهم .
وشكرا
|