نانى احمد

بيانات اضافيه [ + ]

رقم العضوية : 42492  تاريخ التسجيل :  02 2013  أخر زيارة : 24-02-2013 (10:14 AM)  المشاركات : 1 [ + ]  التقييم :  10

لوني المفضل : Cadetblue

ارجوكم ساعدونى

لو سمحتوا يا جماعة لو اى حد يقدر يساعدنى لانى صعب جدا اروح لدكتور نفسى
دى تقريبا معظم المشاكل الى بعانى منها
1- انا فاقدة الثقة بنفسى ومش قابلة اى حاجة فى حياتى ديما بقارن نفسى بغيرى وبضايق جدا لو شفت واحدة احسن منى فى الشكل او فى الشخصية او فى الماديات او حظها احسن منى وساعات بفرح لو حد حصله حاجة وحشة مش وحشة اوى يعنى مثلا واحدة تعيد السنة او واحدة تفسخ خطوبتها عشان متكونش احسن منى
2-ديما بجلد نفسى وبنتقد نفسى بطريقة بشعة يعنى مثلا حاطة لنفسى خطة امشى عليها لو لغبطت فى حاجة مثلا بضايق من نفسى اوى وبعد الوم نفسى ع طول لحد ما يجيلى احباط واحس انى فاشلة وطول عمرى هفضل كده
3-بحس ساعات ان اهلى بيحبوا اخواتى اكتر منى
4-لو حد ظلمنى بتمنى ان يحصله اى حاجة وحشة بس مش بدعى عليه
5-بتاثر جدا باى كلام سلبى يتقالى وبفضل افكر فيه لحد ما اقتنع انه صح
6-عندى رهاب اجتماعى بس مش بدرجة كبيرة يعنى بتكسف اتكلم فى المناسبات الى فيها ناس معرفهاش
7-انا عندى 22 سنة وكنت مخطوبة وهو سابنى من 6 شهور ومن ساعتها وانا خايفة جدا انى اعنس مع انى جميلة جدا بس مش كتير الى بيتقدمولى عشان كده ثقتى بنفسى مهزوزة كمان انا اتخرجت ومش لاقية شغل فا ده تاعبلى نفسيتى اكتر
8-لما بزهق وبتعب جدا بفضل اتخيل نفسى عندى كل الاجات الى نقصانى دى بس طبعا بعدين بتعب اكتر لانى بقارن الى بتخيله بالواقع
انا بقالى فترة بقرا فى علم النفس وقريت ع تقنيات كتير للمشاعر السلبية فا ممكن تقولى ع حاجة تساعدنى اغير كل الصفات دى وتزود ثقتى بنفسى انا لما بنتظم ع قراءة القرءان والاذكار نفسيتى بترتاح شوية بس بردو الصفات والافكار السلبية لسه موجودة
ياريت بجد د يساعدنى دى ...............

المصدر: نفساني