نفساني - عرض مشاركة واحدة

19-11-2003, 11:47 PM

السلام عليكم ورحمة الله وبركاته

بصراحة راح ادخل في الموضوع على طول , قبل ايام ضربني زوجي ضربا ميرحا لا وايش امام اطفالي وبعدين صار يسكتني من البكاء ويقول بس خلاص لاتعقدين الاطفال , ولدي وبنتي صاروا يبكون من قلبهم علي هم قالوا لي انهم كانوا خايفين علي منه , وهو يحسب اني راح اعقدهم لاني انهرت وماصرت اقدر امسك نفسي عن البكاء .
المهم ايضا انه هذه مو اول مرة يضربني فيها لما يحس نفسه مايقدر يحل اي مشكلة تصير يقوم ويضرب وانا بصراحة اخاف اقول لاحد على الحال هذا لانه اهلي ناس ضعاف وهو حتى لما ادافع عن نفسي وهذا اللي صار قبل يومين يعتبرني اني باطول يدي عليه وانا اصلا بادافع عن نفسي منه , وهو ضخم الجثة وعريض وطويل وانا ياغافلين لهم الله , قصيرة وضعيفة وما بيدي حيلة , اصلا هو حتى على اولاده ما يمد يده ولا على اخوانه بس لاقى الضعيفة اللي تتحمله وتسكت .
قولوا لي اشتكي لمن لامه امه ما تطيقني .
اهلي ااااااااااه اهلي ضعاف وما يسوون شيء اذا هم كانوا يضربوني قبل اتزوج تبونهم اللحين يدافعون عني ما اظن .
والله صرت خايفة على نفسي منه وجسمي المرة هذه مكسر ويعورني وهو يسوي نفسه طيب يجي ويتلصق ويبيني انسى .

امس الوالد جاني يزورني وشاف شكلي تعبانة وسالني انت تعبانة من ايش ماعرفت اتكلم زوجي صار يناظرني من الخوف , لا وابشركم اهلي جايبين له هدية من زود المحبة على ايش وهو ضارب بنتكم هذا ولدي يقول كذا يوم شاف الهدية .

ارشدوني لمن اشتكي ولا كيف ادافع عن نفسي .

المصدر: نفساني