نفساني - عرض مشاركة واحدة

28-02-2013, 11:55 PM

انا مجنونه ولا ايش

السلام عليكم ورحمة الله وبركاته

اتمنى من الله ان الكل بخير ان شاء الله

بداية اسفه اذا كان القسم غلط لكن ماعرفت وين احط موضوعي بالضبط فشفت هالقسم اقرب

مشكلتي باختصار محد فاهم شنو فيني بالضبط

مره يقلون الوسواس القهري
مره قرحة الاثنى عشر
مره القلون العصبي
مره اختلال الانيه
مره الهوس الديني
مره هلع
مره عين ومره حسد
-------

قلت بدور بنفسي عن حاله مشابهه لي واشوف شسالفتي لكن بصراحه مالقيت في بعض الاشياء
تتشابه لكن تختلف باركان ثانيه فقلت باخذ برايكم وم خلال تجاربكم يمكن تفيدوني

----------

بدايةً انا اساسا اعاني من الوسواس القهري الديني في استغفر الله ذات الجلاله والقران ومن هالاشياء
المنتشره

لكن من فتره صار عندي اشياء غريبه عجيبه وراح اشرح لكم بالتفصيل عشان تفهموني عدل

بدايه من جم شهر يتني حاله غريبه وهي مدة 3 ايام مانمت غير جم ساعه يمكن ماتعدى
المجموع 6 ساعات
وبعد ثالث يوم ظليت 4 ايام صاحيه بتواصل بدون ماتغمض عيني دقيقه
رحت للطبيب وقالي لازم ماتفكرين وصفي ذهنج من المشاكل لكن قتله
انا بحسن فتره مرة بحياتي ابد ماعندي مشاكل ةلا افكر بشي المهم طنش كلامي وعطاني مضاد للاكتئاب
ومنوم طبعا كليت مضاد للاكتئاب ماحصل اي تغير بس قمت اخذ المنوم عشان انام

الحين انقلب الحاله وقمت انام وايد وبعد جم يوم جتني الالام غريبه
الم وانتفاخ في البطن والم في الجهه اليسرى ودقات قلب سريعه
وحرقه في المعده مع ارتداد بالمرئ شخصلي دكتور انه قرحة بالاثنى عشر لان
كنت كله جوعانه ةبس اكل يسكت الالم وان تركت الاكل 5 دقايق يرجع
لكن مافاد الدواء رحت لدكتور ثاني شخصه بقولون عصبي واعطاني ادويه مافادت
لكني اتجهت للاعشاب الخاصه بالقلون وارتحت نسبيا

مره كنت اطالع في اليوتيوب وطلع جدامي فديو عن علامات الساعه
وشلون الدجال يفتن البشر وهكذا وهني بدت المشكله الفعليه
صرت مهوسه بشي اسمه الدجال حياتي اقتصرت على البحث والمعرفه وشلون اتجنبه

لدرجة ان غمضت عيني بنام اقوم وانا اصرخ ان الدجال فتني راح ادخل النار
واستمرت الحاله بالزياده لين وصلت درجه اني فاقده طعم الحياة تركت دروسي ( كنت محضره
اني اكمل دراستي منازل ومابقاي على الامتحانات غير 3 شهور ) تركت اصدقائي فقدت الاستمتاع
باي شي يحاولون يطلعوني ويجيبوني وكاني ميته اطالع في الناس افكر كيف ذول يضحكون
وعايشين ومايحسون بقرب القيامه وان بنكون بفتنه قريبه كيف قادرين يعيشون كذا
وجتني حاله احس اني راح اموت ومابقى بعمري الا كم يوم قمت اوصي رفيجتي
واطالع في الدنيا كاني اخر مره بشوفها ماكنت خايفه من الموت لكن كنت اقولها كيف اموت
وانا ماجمعت حسنات كفايه وظليت كذا اسبوع كاني جسد بدون روح عايشه لكن ميته

لين مره قمت وصليت قبل الفجر وبكيت كثير ودعيت ربي ان يفكني من حاله الميته عايشه هاذي
وصليت الفجر بعدها ونمت وقمت من النوم وكأني ماكنت مريضه ابد
رجعت احس اني عايشه وحمدت ربي على هالنعمه
لين شفت بالنت عن حديث وهو ضعيف بما معناه ان الله يستجيب الدعاء للي ما يحبه عشان
مايبي يسمع صوته فدخلت بدوامه ثانيه ليه ربي مايحبني؟ اكيد انا عاصيه ؟ اكيد واكيد والبكي
ماسكت .. بعدها اي شي اسويه من صلاة وكذا احس انه ربي مابيتقبل مني ومايبيني

واطلع من سالفه بالدين وادخل بسالفه بالدين ثانيه لين اخر سالفه بصراحه مضحكه بالنسبه لي
لكن ارقتني لكن لما اقولها لاحد انا بنفسي اضحك لان فعلا تضحك
شفت حديث بان عدد الدجالين 24 او 26 4 منهم نساء فجاء في بالي اكيد انا
دجاله واكيد لو استمريت بتدبر القرأن اني راح انجن وادعي النبوه هههههههههههههههه
فقررت اني اترك سالفه التدقيق بالقرأن واني اتدبره واطلع منه مايفيدني بحياتي ويفيد غيري

لكن الاعراض المستمره الى الحين هي
1- ان ما ارتاح الا اذا كنت اصلي او اقرى قرأن وبس اخلص يضيق صدري
واحس ان ربي ماتقبل مني

2- لما اشوف صورة مكتوب عليها كلمة الله بشكل كبير يطق قلبي بسرعه واخاف
كاني بهرب لمكان بعيد وتجيني غمته ورغبه اني ابكي
3- ومثله لو شفت صورة عين حاده

4- ماحس في بالحياة شي يستاهل اني اسويه ومالي نفس اي شي ابد
وماكو استمتاع ابد مع ان سالفه اني احس اني ميته راحت خلاص

5- صايره حساسه كثر واحس ربي يحاسبني على كل شي
مثلا ( طاحت شغله بالارض وكان جنبي هندي بينزل يجيبها جتني غمته وفكره سريعه
لو اني خليته هو يجيبها ربي بيحاسبني لاني تكبرت اني انزل وفعلا نزلت بسرعه جبتها
واعطيته اياه )

6- وذي بعد سالفه قديمه ومستمره اني امشي ولو لقيت طعام طايح او حتى تمره
اشيله واخاف اخلي لان انا شفته ولو حد داس عليه ربي بيحاسبني اني خليته

انا قربت انجنننننننننننننننننننننننننننننننننننننننننننن وش فيني

انا والحمدلله قريبه من ربي واحاول اتجنب اي شي يغضيه كثر ماقدر لكن
حتى اخطائي البسيطه تكأبني كثير واحس هالغلطات ممكن تغضب ربي علي
ومايتقبل مني شي

مشكورين على سعة صدركم وياريت اعرف حل

المصدر: نفساني