السلام عليكم و رحمة الله
بصراحة ما أدري أنا أعاني من اكتئاب أو لا .. لذلك راح أحكي لكم قصتي ، و أتمنى ألاقي عندكم حلول لأنني تعبت كثير و حاسة وضعي يتدهور ..
عانيت في طفولتي كثير .. خصوصا بعد وفاة والدي الله يرحمه .. لكن مع ذلك صبرت و كنت انسانه مثالية و مرحة و محبة للحياة
لكن بعدما تخرجت و ما توظفت .. رغم اني ما خليت وظيفة الا وقدمت عليها .. لكن الله ما كتب لي ..
هنا بدأت معاناتي .. صار بعض أشقائي يعاملني بأسلوب لا يطاق .. و يضغط علي ..
ما أحب أخوض بالتفاصيل .. لكن ضغطه علي و قسوته .. و عدم انصاف باقي أهلي لي .. دمرني داخليا ..
أي شي اقوم به لا يحوز رضاهم ..
لدرجة صرت ما أحب بيتنا ولا أحب اخواني ..
بدأت أنحف و صحتي تذبل .. و أمرض كثير .. و كل طبيب أروح له يقول مافيك شي بس عصبية شوي ..
بعدها نصحوني بالرقية الشرعية .. و فعلا لما رحت للشيخ يقرا علي اكتشف انه عندي مس و ساكني جني .. و عندي سحر مأكول و مدفون .. استمريت معه لكذا جلسة بس حسيت اني تعبت بعد كل صرع ..يمكن كان فيه تحسن شوي بس مو كثير .. فتوقفت عن الرقية ..
استمرت معي حالة الحزن الداخلي .. مع اني اقدر اجامل و اضحك بس كله من برة بس و قلبي ونفسيتي يعلم بها الله ..
طبعا نسيت اشير انه عندي صداع مزمن ما نفع معه علاج ..
فنصحتني صديقة أروح طبيبة نفسانية .. و بالفعل رحت لها و بنفس الوقت سجلت بنادي رياضه قلت يمكن الرياضه تحسن نفسيتي ..
لما رحت للطبيبة .. حكت معي شوي عن وضعي .. و وصفت لي علاج عبارة عن xnax و fluoxet .. لما استفسرت من الصيدلاني عن العلاج قال هو مهدئ و مضاد للاكتئاب ، أنا انصدمت قلت ما باخذه ولما رجعت للطبيبه قلت لها أنا مو مكتئبة ، انا كل مشكلتي ما عندي أشخاص مقربين و كتومة جدا ، أحتاج فقط شخص يسمعني أحكي له اللي مضايقني .. و طلبت منها تسوي معي جلسات للحكي بس لكنها رفضت و قالت عندك بداية اكتئاب و تابعي العلاج لمدة شهر و ارجعي ..
انا ما اخذت العلاج للان و مر على الزيارة شهر .. خفت أدمن عليه خصوصا انها قالت بيستمر لست شهور او سنة او اكثر .. وما احس اني غير طبيعية بالعكس الكل يحبني و يقولون اني انسانه مريحة يعني تصرفاتي طبيعيه جدا ..
أنا أطلب نصيحتكم .. ماذا أفعل