عبدالله الاحمد

بيانات اضافيه [ + ]

رقم العضوية : 40984  تاريخ التسجيل :  10 2012  أخر زيارة : 22-09-2016 (02:44 PM)  المشاركات : 31 [ + ]  التقييم :  10

لوني المفضل : Cadetblue

اتعبني وسواس الموت

السلام عليكم..
شلونكم اخواني ان شاء الله تكونو بخير انا اعاني من مشكلة وسواس المووت من تقريبا 8 شهوور انا سوري وعايش بالكويت وعمري 23 بالبداية كانت اعرفاضي عبارة عن نوبات هلع واعتقد اكتر الناس هيك متلي نوبات هلع مع وسواس الموت طبعا اول ما اجتني نوبات الهلع قلت اكيد هاد الموت المهم عشت شهرين بخووف ورعب وحزن وترقب للموت وبعد هالشهرين صرت ادخل على النت واكتب اعراضي وكل ما اشوف اي مرض اربطو بأعراضي واخاف اكتر وبعدين اكتشف انو كل اللي بعاني منو هوي نوبات هلع ووسواس الموت مع الايام ولله الحمد خفت عندي نوبات الهلع وصارت تيجيني من النادر يعني بس وسواس الموت معلق براسي ومو راضي يبعد عني وطبعا كنت اصلي وادعي ربي واتصدق وكل هالاشياء كنت اعملها بس نفس الوقت لما كنت اعملها كنت اخاف واستغفر الله تركت الصلاة والسبب هالموضوع ومع الايام صرت اطنش هالوسواس يعني كل ما يجيني احكي لا هاد وسواس وانا ما بعرف امتى يومي عشان اخاف وبدين اقطع استرسالي مع هالافكار الوسواسية الحقيرة وبعدين الوسواس صار يجيني مرة باليوم بالليل قبل لا انام بس يجي شوي استحقرو ويروح عني ورجعت طيعي بنسبة 90 بالمية اطلع وانبسط واضحك وافرفش واعمل كل شي بدي اياه وتقريبا من 3 ايام حسيت بشي غريب اجاني حسيت نفسي مرة ثانية بدي امووت بس هالمرة ما اجتني نوبة هلع حسيت باحساس تاني غريب ما بقدر اوصفو لانو ما بينوصف وخفت ورجعلي هالوسواس من جديد وهلا ما بعرف كيف بدي اوصف حالتي اللي بحسو انو حاسس حالي خفيف كتير وبدي امووت بس مو خايف من هالشي متل قبل وكل شوي بحس بنغزات بكل جسمي يعني بحس حالي بدي اوقع واموت وبحس انو راسي في شي ما بعرف شو هوي وكل شوي بحس اني بدي افقد الذاكرة لا سمح الله وعيوني خفاف واشياء غريبة ما بوصفها وطبعا كل هاد مع وسواس الموت عاملي قلق كتير ومو عارف شو بدي اعمل احيانا بحس اني مو بهالدنيا وبحس اني مو طبيعي كل اللي بعانيه هوي بهاليومين اللي مرو بس ما بعرف شو صارلي يا ريت اللي صابو نفس حالتي يحكيلي تعبت والله تعبت وصدقوني كل ما افكر اروح عند شيخ بحس بشي اسوود وخوف واشياء غريبة وكل ما افكر اني اروح عند دكتوور فسي بحس بشي هيك ابيض وشي بفرح وانا ما راح عند طبيب نفسي لانو ما بدي اخد حبوب ولساتني صغير مو عارف شو اعمل صدقوني يا اخوان تعبت والله وحدو عارف شو في بكل انسان موسوس طبعا اهلي واصحابي ما حدا واقف معي ولا حدا حاسس بمشكلتي بفكرو انو هالشي عااادي جدا بس هوي بصراحة الموت اسهل من هالعذاب اللي عايش فيه والله احيانا ما بحس بحالي بس بضل اهز رجلي عشان اعرف انو لساتني عايش شعور متعب دايما بقول الحمد لله بس ليش انا اللي صابني هيك م بعرف شو بدي احكي بس ما بقول غير الحمد لله على كل حاال....يا اخوان اللي يخليكم ويرزقكم الجنة اللي بيعرف شو الحل يحكيلي هالففكرة راح طيرلي عقلي والله والله والله واللي خلق هالبشر والسبع سماوات اني تعبت وما حدا حاسس فيني غيركم لانو نحنا بنعاني من نفس المشكلة واسف اذا طولت عليكم....وشكرا


مستني ردوودكم...... :(

المصدر: نفساني