(ترف)

بيانات اضافيه [ + ]

رقم العضوية : 42809  تاريخ التسجيل :  03 2013  أخر زيارة : 07-05-2013 (03:33 AM)  المشاركات : 10 [ + ]  التقييم :  10

لوني المفضل : Cadetblue

مشكلتي هي نقطة التحول للاسؤ

السلام عليكم ورحمة الله


عندي مشكله وارجو من الله ثم منكم المساعده

وانا حطيت موضوعي بها القسم لاني اعتبر ها المشكله نقطة تحول بـ النسبه لي .. لانها غيرت حالي للاسؤ مع الاسف



عمري 24 سنه اخر العنقود يتيمه فقدة ابوي وعمري 6 سنوات
حقيقه انا ما اذكره ولا توجد عندي اي مشاعر تجاهه لاني فقدة وعمري صغير

كل مشاعري صارت لامي
تعلقت فيها بشكل كبيييييييير اخاف عليها اكثر من نفسي ...

لكن الان لي فتره ظهرت عندي مشكله اقلقتني وصرت ما اناااام الليل ونفسيتي معدومه بـ النهار
صرت اكره الليل يجي كله بسبت ها المشكله اللي هي اني اتخيل كيف بتكون حياتي اذا فقدت امي
وكيف ابعيش من بعدها
واتخيل شكلها وهي ب القبر
واتخيل البيت من دونها


تعبت تعبت تعبت ...
والله العظيم اني اوقف عند باب غرفتها ب الليل وهي نايمه وابكي مثل الاطفال .. ما ابي اشكيها عشان مايضيق صدرها وتقلق علي ..

حتى بـ النهار رغم انها تخف الحاله عندي الى ان عقلي يضل مشغوووووووول بها الافكار وتضل العبره خانقتني
..

ورب البيت اني ما احس بجمال الاشياء اللي عندي من كثر ماها الافكار معششه براسي .. وحتى اكثر الاشياء اللي احبها ماعاد لها طعم وخف شغفي وحبي لها


المشكله اني كل ما حاولت اسلي نفسي واشغل تفكيري باي شي... اقول بنفسي اني قاعده اللعب على عمري وان اللي افكر فيه فعلا بيصير ... وهذا حال الدنيا
الناس كلها بتموت وامي بتموت ... يعني ها الافكار صحيحه وواقع لامفر منه فليه اكذب على عمري

والله اني تعبت

انا كنت رافضه الزواج من كثر ما ان الحياة متيسره لي ولاني مبسوطه بعيشتي وكأني ملكه وكنت اقول لامي ليش اتزوج ويمكن ما اتوفق بزوج يراعيني ويشوف لخاطري ويداريني ويعيشني بمثل عيشتي ببيت اهلي ..

بـ اختصار من كثر ماكان وضعي تمام والحمد لله .. حتى الزواج اللي اغلب البنات شاغل تفكيرهم انا ما اهتميت فيه ولا بغيته رغم ان عمري هذا عمر زواج

وما اخفيكم انو من احد اهم اسباب رفضي كان عشان امي لاني ما ابي اخليها لحالها .... ولانها بعد هي كان يضيق صدرها اذا احد تقدملي
رغم انها تتركلي حريت الاختيار الا انه كان يبين عليها الضيقه ... واذا رفضت الشخص اللي متقدملي تفرح وتمبسط


لكن الان بديت افكر بنفسي اكثر وصرت اتمنى اتزوج عشان يكون لي اهتمام غير امي ... وصار الزواج يشغل تفكيري كله عشان اتخلص من ها الحاله اللي انا فيها

وصار عندي رغبه شديده اني اكون لي اسره بحيث لاقدر الله فقدت امي يكون وقع المصيبه اهون علي ...




انا تعبت ... والله العظيم تعبت ... وش الحل ...نكفووووووووووووووووووووووووووووووووووووووووون


يالله ياكريم تفرج كربتي وهمي وكل من يدعيلي ويساعدني ..

المصدر: نفساني