لمى عبدالله

بيانات اضافيه [ + ]

رقم العضوية : 41072  تاريخ التسجيل :  11 2012  أخر زيارة : 19-06-2013 (08:01 AM)  المشاركات : 17 [ + ]  التقييم :  10

لوني المفضل : Cadetblue

الاكتئاب و افكار الانتحار

السلام عليكم

صديقتي عندها اكتئاب من زمان و تاخذ حبوب للاكتئاب و كانت تعاني من الوسواس القهري و الافكار الوسواسيه و لكنها تعافت منها و لله الحمد ..

الان مشكلتها في الاكتئاب و قالت لي انها فكرت تنتحر قبل مده طويله و كانت مرعوبه من الفكره .. و قبل ثلاث ايام عادت لها افكار الانتحار و تقول اني افكر بالانتحار ببرود و هذا الشي يرعبني ، تقول انا اعرف اني ماراح انتحر بس الافكار مزعجه و متعبه و اكثر شي مخوفني اني مو خايفه من فكرة الانتحار
قلت لها انتي مو خايفه لانك متاكده انك ماراح تسوينها و تنتحرين و هذي افكار من الشيطان و لازم تفكرين بالايام الحلوه و تعرفين انه مافيه مشكله تستمر ووو .... ( هي الان تعاني من مشكلة عائليه و تعبانه منها )

سوالي لك وش افضل طريقه للتعامل مع الشخص المصاب بالاكتئاب و كيف ارد عليها لما تقول لي انها تفكر بهذي الافكار ؟ ( انا صديقتها المقربه و تسمع مني و تقتنع بكلامي بس بسرعه ترجع تكتئب و تتعب ) لو كان بيدي اساعدها باي شي ياليت تقول لي و اهم شي ابغى تقول لي وش افضل طريقه للتعامل معها ،

و سوال ثاني : وش مصدر هذي الافكار و ليش يفكرون بالانتحار ؟ هل ممكن يكون من الحبوب اللي تاخذها ؟


عندي امل كبير انها تتعافي و مستعده اساعدها بكل اللي اقدر عليه بس مو عارفه الطريق الصحيح للتعامل معه
احفزها و اعطيها افكار ايجابيه و انام مرتاحه و من بكرا القاها رجعت تكتئب
انا تعبت نفسيا و خايفه عليها من هذي الافكار


ياليت تساعدني من خبرتك ، و الله يعطيك العافيه

المصدر: نفساني