نفساني - عرض مشاركة واحدة - الموسوعة الروائية و القصصية للمنتدى فاليشارك الجميع

02-12-2003, 12:31 PM

أخيتي إسمحي لي بوضع إحدى قصصي المتواضعه والموجوده أصلا هنا في نفساني لكن صفحتها غابت وسط زخم المواضيع الجديده . ولعل حضورها في موسوعتك يجددها !

................................

اليوم قصتنا مختلفه شوي
اليوم أبي وقتكم كلله ما يكفيني منه شوي

قصتي من واقعنا ما هي وهم ولا فيها خيال

بطل هاالقصه " سعد " تزوج من ست سنين من بنت خاله * جامعيه وتبي تتوظف قريب
سعد رجل في ال35 من عمره يعني تووه شباب وقليبه أخضر
رومانسي ويبي الدنيا كلها بلون وردي

زوجته " شيخه " تحبه بعد *بس عقلها وقلبها وقفوا عن النمو بعد أول شهر زواج
حافظتن درس أميمتها زين " الرجال ما يمسكه إلا البزارين "أغلبيه با البزارين وشيليه همهم حتى ما يطالع غيرك..

خلونا نرجع لسعد

ذاك اليوم سعد رجع من العمل كان يسوق سيارته بهدوء * الطريق طويل شوي بين بيته وبين مكان العمل ..بس هو ما يحب السرعه ولا يبي شي يزعج هدوءه

طلع كسرة عوده وبخر بها سيارته
ها السعد ما يقدر يعيش بدون جو رومانسي

صارت سيارته كلها دخون وراح في عاااالم ثاني
بدا يقلب ملف حياته ويذكر يومه يطلب أمه تزوجه من " شيخه " وشلون رجها وقلب مخها ألين راحت وخطبتها له

********بيييييب بيييب بيييييييييب .......

.يؤؤؤؤؤ

الاشاره حمراا يا سعد وش فيك؟؟؟؟؟؟(( وقف السياره " قال ها الكلمتين لنفسه يوم كل السيارات وقفت إلا سيارته))

وقف ووقفت ذكرياته مع الاشاره .

طالع يمينه وشاف وليد يبيع عقود ورد وفل
أعجبته كثير ولا جا في باله إلا " شيخه "
تخيلها وهي لابستن عقد الورد * تخيلها وهي تناظره بحب وود

فتح شباك السياره و نادى على الولد : أقول بكم ها الورد
*****ب15 ريال عمي
****زيين عطني ثنين وورد وفل

ما فاصل الولد ولا كاسره * كل همه إن الورد يزين حبيبته ....شيخه

أخذ الورد وأسرع شوي يبي البيت ...يبي يلحق على شويخ * يبي ويبي ويبي

دخل مع باب البيت ...أقبل على حجرته * لكن هيهااااات أن يصل للحجره بأمان

سمع أصوات من حوله شي يطير فوقه وشي من تحته وشي يا كافي شوي ويجي على راسه

*** يبه يبه شف خويلد قلله يرجع لي كورتي والا ترى والله بكسر له السوني
**يباااااااااااه والله العظيم إنها كورتي أنااااااا يباااااااه قسمن بالله إن كسر السوني لا أتوطا في بطنه :eek:

****يبه .........يبه ممكن أروح لم خالتي سناء * منى عازمتني تقول خوياتها بيجنها الليله * يبه ممكن

***وااااااااااااء واااااااااااااااااااء .............بااا باااا .............بابا أأه :rolleyes:

يا مسيكين يا " سعد " قم بس قم * ألبوم الذكريات إللي كنت تقلبه قبل شوي مغشوش * شكله ألبوم تايواني

**** شيــــــــــــــــــــــخه * يا أم خالد

*** سم وش تبي ؟ ردت عليه من بعيد * ما كلفت حالها تجي وتشوف الحصار المغولي إللي هو فيه

** شيخه تعالي أبيتس

** هه ؟:1:

*** تفضلي يا حبي هذا عقد ورد وهذا بعد عقد فل لتس يا غاليه ......

**أممممم وش ورد وفل ؟ أمممم زين مشكور .........أقول سعد جبت خبز معاك ؟

***إيه :(

*** زين * يالله روح غير هدومك ترى كلنا جوعانين *رمت الورد والفل على طاوله قريبه منها وراحت تهرول يم المطبخ

**وقف سعد لثواني صامتا كصمت تمثال الحريه بس وقفته فيها شوية شموخ نظر إلى الورد والفل وكيف تساقطت كثير من أوراقه على الارض
نظر إلى أبنائه وهم يتخاطفون العقدين ويرمون بهما هنا وهناك وزادت معه حالة الصمت * ترك كل شيء ودخل لحجرته ليبدل ملابسه ويستعد لمليء بطنه بغداء " شيخه " :)

__________________