دودو548

بيانات اضافيه [ + ]

رقم العضوية : 35197  تاريخ التسجيل :  08 2011  أخر زيارة : 08-11-2014 (03:35 AM)  المشاركات : 206 [ + ]  التقييم :  10

لوني المفضل : Cadetblue

برجاء المساعدة مع نوبات الهلع والرد علي سؤالي

بسم الله الرحمن الرحيم
السلام عليكم ورحمة الله وبركاتة

عندي استشارة
انا من اكتر من 8 سنين جاتني اللتهاب في المعدة
بسبب دواء عظام ولان مكنتش اعرف اعرض المعدة
بدات تجيني حالة خوف من الموت والامراض الخطيرة
ومع الوقت جاني القاولون العصبي
وبعدها بسنة اتطور الموضوع معيا وبقت احس بفزع وهلع لمجرد خروجي للشارع
لدرجة اني قعدت اكتر من سنة منزلش الشارع حتي لو مع عائلتي
واحيانا كانت بتجيني اعراض الهلع دي وانا في البيت
المهم من سنة ونص بس عرفت ان اللي عندي دة عبارة عن
حالة اسمها نوبات هلع وعرفت دة من خلال النت لن مرحتش لدكتور
انا كنت بروح لدكتور باطنه وكل ما اقولة بتحصلي حاجة غريبة وبخاف لما انزل الشارع واحس جسمي مرتبك يقولي دة من القاولون العصبي
المهم لما عرف انها حالة هلع دخلت علي النت وكتبلي احد الاطباء في احد المواقع علي دواء اسمه لوسترال 50 اخد حبة وقالي خدها لمدة شهرين لو حسيت بتحسن كمل 6 شهور
وفعلا حسيت بتحسن ملحوظ بعد الشهرين تحسن بنسبة كبيرة
كملت عليه لمدة سنة ونص وكنت بخاف اسيبة لترجعلي الحالة تاني
المهم من حدود شهر الحالة ابتدت تجيني بشكل اقل من الاول طبعا وبتتحسن بسرع انما ابتدت ترجعلي بعد ماكنت خلاص نسيتها
المهم دكتور صيدالي قالي سيب لوسترال 50 وخد seroplex 10mg
ابدا بنص حبة 3 او 4 ايام وبعد كدة خد حبة كاملة
وانا دلوقتي خدت يومين نص حبة وبعد كدة بدات اخد حبة كاملة
وليا دلوقتي 20 يوم كامل باخدة بس مش حاسس بتحسن
السؤال هل دة عشان الدواء لسة جديد والجسم هياخد فترة عشان يبدا يتعالج من الحالة ولا هو كدة مينفعش واشوف نوع تاني ولو نوع تاني يكون ايه ارجع للوسترال ولا ايخد نوع تاني
مع العلم اني
باخد دواء للقاولون دواء كولونا ودجماتيل فورت 200 نص حبة باليل ونص حبة صباحا وموتليم
والنهاردة حالة الهلع جاتني
وانا مش عارف اعمل ايه اسيب seroplex 10mg

ولا هو لسة مابتداش مفعولة في الجسم
وانا سمعت انه بيخد من شهر ونص لشهرين عشان يبدا يجيب نتيجة
هل دة صحيح
ولو دة صحيح معقول تجيني حالة الهلع وانا باخد الدواء كل يوم
بانتظار ردكم الكريم وجزاكم الله كل الخير

المصدر: نفساني