المشاركة الأصلية كتبت بواسطة مستكفّة

قول لي لو انك سليم مثلهم بيتركوك الناس في حالك هل بتسلم من كلامهم و القيل و القال
راح يدوروا على أي شيء فيك و يمسكوها عليك و بيهرجوا على اي تصرف على اي شي تقوله ولا تعمله
هذا هو حال البشر .. احنا بس مع المرض حساسين بزيادة ولا هي هذه طبايعهم مو بغريبه
والله لو انك ملاك كامل مكمل بيهرجوا عليك و فيك و برضو مانت سالم منهم ..

حاول تطنش طنشهم تفرسهم يبطلوا يتكلموا فيك و معك بهالطريقة
وبعدين لا تقنع نفسك انهم على حق وانهم ماسكين عليك مذلة
انت ملك نفسك و حر في حياتك و تصرفاتك مريض سليم طالع خارج جالس بكيفك
و اللي مو عاجبه يدور على اي جدر يطق راسه فيه ..

مانت عايش بخيرهم ولا بفضلهم و طبعهم لابد منه مانت مغير منه شي
ما يستاهلوا ترى حتى انك تكرههم ولا تعتبرهم ولا حتى تحسب حسابهم
أنفض اذنك و طلعهم من راسك انت و نفسيتك و حياتك أهم ..

ربي يحفظك