|
ساعدونى ضرورى وجزاكم الله خيرا
بسم الله الرحمن الرحيم انا شاب فى 25 سنه بدات معاناتى منذ سنتين ومن وقتها لم اعرف طعم السعاده يوم واحد كنت فى احد الافراح وكنت فرحا جدا لصديقى وروحت فى الليل المتاخر ونمت استيقظت فى حال غير الحال دوخة وزغلله فى عينى وعدم اتزان وبدات فى البحث لدى الاطباء جميع التخصصات تقريبا كل طبيب يعطينى دواء معين لكن بقولوا الموضوع بسيط وانا الاعراض بتزيد اصبح ارق شديد حتى المنومات ما تنيمنى جلوس فى المنزل وعدم الرغبه فى الحركة عدم الرغبه فى الحديث مع احد كل شئ كان بيفرحنى ما عاد لى نفس اعمله اتقلبت حياتى ومانى عارف سبب زهقت ادوية بدون نتيجة طبيب الانف والاذن يقول شوية حساسية بالجيوب الانفيه من التدخين دكتور العيون نظرى كويس جدا دكتور الباطنه قولون عصبى طبيب المخ والاعصاب حاله نفسية طبيب القلب ارتخاء بسيط فى الصمام الميترالى كلها حاجات بسيطة جدا لكنها ارعبتنى فضلت اخد ادوية من هنا ومن هناك مفيش فايدة اعانى من " دوخة ودوار وزغللة وعدم اتزان وكسل وخمول وضعف عام وضيق فى التنفس والم فى رقبتى وظهرى جسمى كلة احسه بيوجعنى ... تركت الاطباء وذهبت للمشايخ وقابلت كتير ضحكوا عليا واخذوا اموال كثيرة واختلفت الاقاويل بين سحر ومس وعين وهكذا دوامة تانية زادت من حالتى سوء ولم اعرف ماذا افعل وقتها قررت الذهاب لطبيب نفسى هو دا الحاجة الى مش عملتها قالى اكتئاب وقلق وتوهم مرضى المهم خادت ادوية لمدة سنة ونصف حتى الان جربت تقريبا كل شئ صحيح احمد الله انى تحسنت جزء بسيط لكنى لا اعرف للحياة طعم واصبحت موهوم وكثير التردد على العيادات المختلفة وكثير التحاليل والاشعات اليومية انا عملت رنين على المخ ورنين على الرقبة وايكو ورسم قلب وصونار على البطن ومقطعيه على الجيوب الانفيه وتحاليل الغدة الدرقية وتحليل دم وحمى روماتزمية اى حاجة اسمع عنها اروح اعملها .. الحمدلله منذ ان حدث لى هذا الشئ اللى انا لحد دلوقتى مش عارف هو ايه مواظب على صلاتى الا قليل واذكارى ودعائى لله عز وجل ان يرفع عنى هذا المكروه حاليا اتناول فافرين 50 وتوفرانيل 25 ونفسى ابطل الدواء النفسى بس مش عارف اعمل ايه ؟
|