المشاركة الأصلية كتبت بواسطة مستكفّة

إذا انت عارف السبب يصير أكيد بتقدر تحل هالمشكلة ليش ساكت على نفسك طول هالفترة
احنا مو دكاترة يا فهد عشان نوصف لك دواء لحالتك او علاج حتى لو كنا مجربين و خبرة مع الدواء و المرض ..

انت تقول هالرعشة معاك من زمان من قبل تاخذ الأدوية النفسية و احتمال تكون زادت معها كمان
لابد تراجع طبيب مخ و أعصاب لابد يكتب لك على تحاليل لصورة الدم و السكر و الغدة الدرقية
و يعمل لك أشعات مقطعية و رنين مغناطيسي للراس .. ولا تنسى تعرض عليه الأدوية النفسية اللي بتاخذها
و للعلم دكاترة المخ و الأعصاب على علاقة وطيدة بالدكاترة النفسيين كل مارحت لطبيب مخ و اعصاب حولني على طبيب نفسي
لابد تراجع الجانبين ..

هذه نصيحتي لك أخي فهد إذا كنت بجدة

روح للدكتور محمد أبو العينين بمستشفى بخش أو الدكتور حسين مليباري
هذا الأخير يسوي أشعة بالكهرباء يحدد لك سبب مشكلة الأعصاب بالجسم
أو روح للاستشاري محمد عصمت بمستشفى الملك فهد هذا دكتور رائع جدا
خلي واحد من هالدكاترة يكتبوا لك على التحاليل اللازمة والأشعات
و قبل تروح لأي دكتور من اللي ذكرتهم لابد تحجز لأن عليهم ضغط مو طبيعي ..
و بعدين روح لمستشفى جامعة الملك عبدالعزيز أفضل تحاليل سويتها هنا بجدة و اشعات رنين و مقطعية كانت بهالمستشفى

ربي يطمنا عليك و يغرس الطمأنينة في قلبك