رحت للمستشفى أمس عشان يصرفون لي علاج و أنا أنتظر عندهم شفت ثنتين أظن أخوات أو أم و بنتها و كانت البنت لابسة برقع و عرفت إنها مريضة لأن لبسها القناع مخربط و الشعر المجعد الأشقر طالع من ورا و لابسه العباه على كتفها بعكس الثانية إللي معها لابسة القناع تمام و البرقع تمام و العباه ع الراس و أكثر ظني إنها أمها
البنت نظرت فيها و صراحة عيونها حطمتني تحطيم و رحت ملح والله العظيم الغريب إنها قامت تطالع فيني من ساسي إلى راسي عشر دقايق و أنا لديت عنها خفت لا تسوي شي تطقني أو تذبحني والا تعرف أمها و نسوي مشكلة بالمستشفى
بصراحة نظراتها لي غريبة جدا لأن مهوب أنا لحالي إللي حولها ناس خلتهم كلهم و تشبح فيني إلا و شوي على جية أبوها قلت في نفسي ياليتك عمي و هذي بنتك و أنا أخطبها منك لو فيها ما فيها لكن للأسف تجري الرياح بما لا تشتهي السفن
حسبي الله و نعم الوكيل
أسأل الله العظيم رب العرش العظيم أن يشفيها و يزوجني و يزوج العزاب