نفساني - عرض مشاركة واحدة

08-05-2013, 09:28 AM

توكلت على الله ..
حقيقة قرأت كل ماكتبتى وقيل لك من ردود ..
لمعرفتى لقريبه جدا لى متزوجه من إنسان مكتئب وفيه من المرض النفسي مايسمى إنفصام الشخصيه ..
فالمتقدم لك لا تتسرعى فى الزواج به ..
اولا ..انظرى لنفسك هل تستطيعى مدارة المريض النفسي تتحملى كل شئ منه بحكم انه مو انسان طبيعى لازم دا الشئ يكون فى عقلك انت ما بتتعامل مع شخص طبيعى ..
انا راح اعطيك قصة القريبه لى ..
تزوجته وهو مطلق مرتين وهو مريض نفسي لم تكون تعلم ابدا بمرضه ولا أهلها كيف ؟
لان المريض بيخفى هو وأهله مرضه ..لان محد راح يقبل فيه بطبيعة الحال
بس حقيقة هو أهون من الشخص اللى بتكتبى عنه ..
فى فترة الخطوبه واللى دامت 4 شهور إنسان محترم جدا
بعد الزواج إكتشفت أمور أهمها عدم المبالاة بها يعنى يحب نفسه لو كح راح وكشف للطبيب
وهى لو مرضت عادى يعنى ما تحس بخوفه عليها رحمته بها بحكم انها تعامله بحب وتخاف الله فيه وترعاه جدا
طبعا نفس كلامك اول سنه لا يريد أطفال لكن اراد الله وحملت وما استخدمت الحبوب اللى أعطها إياها من ليلة الدخله ..
بعد 4 أشهر حملت استمرت معه فى مشاكل وأغلبها عدم اهتمامه بها انسان كأنه ما وراه مسئوليه ما أخفيك كانت حماتها تعلم أن ولدها
هكذا ..فكانت أحيانا تقف معها لكن الغالب مع ولدها مهم كان ظالم فى المعامله ..
يعنى عانت جدا معه صبرت تحملت فوق طاقتها كإمرأة فقط عشان تحافظ على بيتها وعيالها طبعا انجبت أكثر
سبحان الله تغير فيه أشياء بعد الزواج ب 7 أو8 سنين تقريبا ..
الان تقول لنا هو إنسان طيب من الداخل فقط يحتاج له رفقه صالحه ..أصدقاءه من النصابين بحكم وضعه المادى المرتاح جدا يستغلو طيبته فى أمور تخصه زى دكتور يعالج العجز اللى عندك
وشعوذات وسفرات للمشعوذين للعالج طبعا وهمو يقودوه لأمور أسوء ..
الرجل لو كان بلا عقل رجل لا ترتبط فيه هذا رأى إلا إذا كنت مضحيه بنفسك ..ويهمك كلام الناس
ارى حال البنت أفضل لها من ان تزوج وتطلق لان الاهل ساعتها مارح ينفعوها ولا الناس
أما قولك لانك كبيره وهم يقولون لك جربى نصيبك !! الزواج ماهو تجربه هو حياة والمرأة بطبيعتها ما تحب تكون كل يوم عند رجل ..
اتركك كلام الكل حتى كلامى وتحدثى مع نفسك بعقل فى كل الامور الى تدور بينك وبينه وشوفى عقلك ايش راح يرد عليك بقبوله او رفضه..
ومعلومه لك ..الرجل طالما هو يتكلم بالجنس بالشكل دا فتأكده انه فيه خلل ربما ضعف وهو يعوضه بالحديث يحس نوعا ما إنه رجال حتى لو بالكلام
لانو بعض الادويه اللى بيستخدمها المريض لها أثار فى الشئ دا ..
وحقيقه لك حق النفور منه بطريقة كلامه تحسي انه قذر لكنه حلال بس هو همجى يا تبلعيه او ترفضيه ما يصير تجعليه بالنص زى الشوكه لمن تعلق بالحلق ..
ولعلمك المريض اللى بيطلق بيرد البلا فى زوجاته من باب انه سليم وهمو اللى ماهم صالحات ..
ما استطيع اقول لك اتركيه لانك لازم تتركيه بإقتناع من داخلك انه لا ينفع ..
وأهلك لازم تحطيهم بالصورة والدك والدتك أخبرهم بكل شئ منتى مرتاح له ..فى كلامه نفورك منه لا تخلى عشان لو اراد الله لك الارتباط تكونى بينتى لهم كل شئ ومع هذا ما رفضوه لك بحجة انو
فكرة الطلاق بالنسبه لهم مرفوضه وما يزيدو همك إن لا قدر الله حصل شئ لا تتوقعيه ..
مو شرط انه يطلق ممكن لا
لكن فى أمور اخرى ما راح ترتاح لها معامله مزاج متقلب ودى ألعن شئ .. اليوم بكلمه وبكرة بغيرها ..
اعطيتك ما اعلمه فقط ..
لكن العلم كله عند الله فى أمر هذا الشخص المتقدم لك ..
لا تسمعى إلا نفسك فيما يخص مستقبلك إن رأيتى غيرك ماهمهم مصلحتك ..
والزواج قسمه ونصيب ..
والدنيا اتطورت يتزوجون فى ال40 وفوق كمان ..
أهم شئ انه المكتوب وصلك ..لا تفكرى بالعمر وتجعلي هو اللى يحكم كل شئ فى حياتك ..