عيون اهلها

بيانات اضافيه [ + ]

رقم العضوية : 30445  تاريخ التسجيل :  05 2010  أخر زيارة : 11-10-2016 (07:29 PM)  المشاركات : 484 [ + ]  التقييم :  10

لوني المفضل : Cadetblue

ذكرتيني في بدايتي مع المرض كنت نفسج والله اشوف اشياء اقصد اتخيل اشياء العقل السليم ما يتخيلها
بس الوسواس يخلينا نتخيل هالاشياء وانا بعد كنت اصغر عنج كان عمري 14 والحين عمري 17 والوسواس مستمر معاي
بس خف عن قبل بنسبة 80% شوفي حبيبتي اول شي لازم توسوينه انج تطنشين هالافكار وا بمعنى ادق طنشي الوسواس كامل
لاتردين على الي يقولج اياه اشغلي نفسج في دراستج اهم شي دراستج لا تهملينها هي الي بتنفعج بعدين
والله انا بعد ما شغلت نفسي في دراستي خلاص بديت انساه مع اني قبل كنت اقول
ليش اذاكر وانا بموت بس سبحان الله الحين رويتي كلها تغيرت افكر في الجامعه وبعد الجامعه افكر بالمستقبل صدق احيانا يحاول يخرب علي
بس ما اعطيه فرصه سوي نفسي وان شاء الله في شهر بتحسين بتحسن و بدون ادويه توج صغيره يا حبيبتي صدقيني بس تحتاجين لقوه وعزيمه واهم
شوي تكونين مصره انج راح تتغلبين عليه و وراح تقدرين
وانا بعد ما ادخل كل يوم لاني مشغوله بدراستي فبعد شهر ولا شهرين ان شاء الله بدخل وخبريني عنج اذا فيه تحسن ولا لا