نفساني - عرض مشاركة واحدة

12-05-2013, 05:20 AM

اليوم وأمس مشيت لمسافات اقل من المتوسطه
حسيت براحه ونشاط
مع ان رجولي زعلانه مني شويه ( تقول بدينا في الهياط )
تصدقون اني جالس اكثر من خمس سنوات بدون حتى مشي او رياضه خفيفه
وطبعا بعد المجهود والإنجاز المشي الخفيف
رحت وسويت مساج صيني مدري كوري
فكك عضلاتي كلها وكأني مشارك في مبارة الهلال والاتحاد
راعي المساج يقولي انت ليش جسم تعبان مره ( تعبان مره من راعيه التعبان )
بديت افكر أخشى نادي رياضي
بس الأسعار غاليه
المشكله الثانية احس شكلي غلط في الملابس الرياضيه
متعود على الثوب والسروال والفنيله ( اللي صارت عيره في زمن الكيك )
ودي أتعلم السباحة
وأقوي عضلات اليدين والرجلين
تصدقون ان الشكل قد يكون سبب مهم في زيادة الرهاب واحيان يكون سبب رئيسي
عشان كذا لازم الواحد يحاول يحسن وضعه في هالجانب
يعني السمين يحاول ينحف
والنحيف يحاول يسمن
واللي ماهو حلو يحاول يصير حلو مع انها صعبه ههههه بس يعني يكافح شوي
الا على طاري الجمال والكلام موجه الى الم غامر اللي دخل وطلع ولا عاد شفناه
اخوي الم غامر والله يشهد
اليوم كان عندنا موعد مستشفى وكان في الاستقبال وحده سبحان الخلاق ( طبعا يألم كاشفه ماهيب مبرقعه وتعبانه ويالله تمشي وانت بعد تبي تخطبها )
المهم انا في حياتي كلها ماشفت زي هالادميه حتى في السينما ماشاءالله لا قوة الا بالله
يوم جيت عندها تلخبطت وجلست تضحك مني ( اول مره لا يكون الرهاب مسئول عن وضع اللخبطه كان فيه سبب اقوى )
طلعت وانا أعيش لحظات اندهاش قبل ان تتحول الى احلام يقظه قبل ان توقظني فلاشات ساهر يتبعها اتصال ام عابد
في ان واحد وكأنها عقوبه من رب العالمين
لكني استغفرت ودعيت لها وقلت يارب ارحمني