ام جنا

بيانات اضافيه [ + ]

رقم العضوية : 43458  تاريخ التسجيل :  05 2013  أخر زيارة : 19-10-2019 (04:28 PM)  المشاركات : 136 [ + ]  التقييم :  10

لوني المفضل : Cadetblue

الاحلام وتفاصيلها ....

من كم سنة وانا اعاني من كثرة الوسوسة الامراض والموت والمستقبل

بالخصوص الموت ...

الفترة الاخيره تهدي بعض الايام وايام ترجع ...

اكثر ماخاف منه ويتعبني الاحلام .. وانا قبل اسجل بالمنتدى قرات كلام الاخوان عن الاحلام وانه لاتهتم وانهم يرون احلام كثيرة وتكون مزعجه

لكن ولا واحد منهم قال لنا حلم معين وكيف كان ... كل شخص يقول انا شفت حلم مزعج وفسرته بالموت فقط

طيب اذكر لنا شنو الحلم عشان نرتاح احنا ونعرف انه احلامنا قريبه من بعض ..



عموما .. يوم الخمس خرجت من البيت وانا برا جاتني ضيق كتمه في الصدر ..جلست ساعتين واول ما رجعت للبيت راحت على طول ...

يوم الجمعه قالي ابوي انه اروح للحرم النبوي خاصه انه قريب مننا .. وفعلا جلست اكلم نفسي انه ليه ما احافظ على الذهاب للحرم والصلاة والدعاء .. وقبلها بكم يوم كنت اقراء في كتاب عن فضل الاكثار من الصلاة على النبي ..

يوم السبت فكرت انه فعلا لازم اروح للحرم .. وكذلك المحافظ على الاكثار من الصلاة على النبي .. وبالخصوص المحافظ على الذكر 100 مرة في اليوم واكثر

نمت عصر السبت وقبل المغرب بنص ساعه تقريبا مادري ايش شفت في المنام مادري الا انه اقول لزوجي النبي بيجينا بعد 100 يوم . فقط وصحيت ... تفاصيل شنو احداث مافيه شي مادري عن شي

قمت وانا خايفه اقول معناه انه بعد 100 يوم بموت ...

اتمنى انكم تفيديوني واتممنى تذكرون احلامكم هل هيا قريبه من احلامي

اما الاحلام المزعجه من ثلاث سنوات وانا اشاهدها .. لكن اخاف من الاحلام اللي عن الموت وذكر اعداد معينه وفيها النبي او احد الموتى ...

اريد كلام عن نوع الحلم ... ماريد كل واحد يقولي انا اشوف احلام مزعجه لاننا كلنا نشاهد احلام مزعجه لكن القضيه في ماهو الحلم

احس نفسي الوحيد اللي اشاهد هكذا نوعيه اموات وانه نلتقي بعد كم يوم وهكذا وبالخصوص النبي .. مره خايفه

امااااااااااااانه سااااااااااااعدوني

المصدر: نفساني