|
إقـرو كلامـي زيـن ( القولون العصبي )
السلام عليكم ورحمـة الله وبركـاته
اللهم صلي وصلم على نبينا محمد وعلى آله وصحبه وسلم
اما بعـد /
اخواني انا كان لي موضوع سابق في قسم الهلـع ،، مشكلتي الاولى كانت الهلع ! ونبضات القلب القويه والمفجعه
وكـانت هي اكبر همي صراحـه !! وكنت اقول للاخوان انا مايتعبني غير مشاكلي مع القلـب لاني بجد تعبت من التفكير والوسواس ( خصوصا وسواس الموت )
مع الايام ،، كنت اقول لنفسي راح احاول احسن من نفسيتي وان شاء الله اكون تمام ومبسوط !!
بس الي ماكنت ادري عنه ولا حاسب له حساب هو ( القولون العصبي )
تعبني !
جنني !
ماني قادر اتهنى في حياتي ولا اطلع من البيت ولا اجلس مع الناس
والوسواس يشتد علي بزياده ! اتعوذ بالله من الشيطان الرجيم ولكن الوسواس يكون ساعات اقوى منـي
مشكلتي مع القولون ليست امسـاك او اسهال اكرمكم الله
ولكن مشكلتي مع القولون احس بشد ببطني قوي جدا !
احس بنبض بين السر و اسفل القفص الصدري .. نبض قوي يشتد احيان ويخف احيان .. مثل نبض القلب
هنـا مشكلتي بالضبـط !! مكان النبض هو الالم
احيـان احس بـ احساس الجيعان ! حتى لو كنت توني ماكل
غير الاحساس بالسقوط وخصوصا بالصلاه او وانا امشي .. وانا متأكد انها تهيئات
الالم يروح ويجي
بس قبل اسبوع اشتد علي الالم بطريقه فظيعه ! الم جااااامد جدا
ولمن اضغط بطني اسمع اصوات بالبطن
اليوم قررت اخذ زيت زيتون واقرا فيه وادلك بطني
وانا ادلك بطني واضغط ع البطن ؟؟ مش ممكن ع الغازات الموجوده ببطني ! اصوات تطلع كل ما اضغط ع البطن
غير الحموضه . والارتجاع الحامض الي هو اني ارجع الي اكله بس بحموووضه طبعا ترجيع خفيف . قريت عنه ان اسمه ارتجاع المريئ
وسوست كثير
احيان اقول الي فيني مو قولون عصبي
الي فيني قرحه
واحيان اقول الي فيني جرثومه معده
والي قتلني اكثر واكثر اني احيان افكر ان الي فيني مرض خبيث والعياذ بالله
ماني قادر اروح المستشفى اكشف والسبب خوفي ان يطلع عندي شئ خطير وتنقلب حياتي نكـــد وتنقلب حياه اهلي نكــــد !!
احاول اعيش ع الامل انو مافيني الا قولون عصبي فقط بسبب نوبات الهلع الي جلست افكر فيها كثيررر
وكل مالي اقلق اكثر واكثر
جربت الشاهي الاخضر الصيني ولا نفع معي
لازال الالم هو احتباس الغازات . والشعور بانتفاخ . والم شديد عباره عن شد في البطن
تعبت كثير من الوسواس
احيانا يكون مافيني شئ
واحيانا يكون فيني شئ
واجلس افكر بيني وبين نفسي
لو انا فيني مرض خطير اكيد بحس فيه دائما :. ليش احيانا يروح عني واحيانا يرجع لي
بالاسبوع الي راح قلت شهيتي للاكل . مع العلم اني قبل اسبوع كنت اكل كثيرر وكنت ماني معطي القولون اي اهميه صحيح اتألم احيان . بس ساعات ويروح الالم
كلامي كثيرر واحس اني لو اكتب من الحين لبكره ماراح اوقف
باختصار
القولون دمر حياتي نفسيـا
وانا متأكد لو اعرف انه فقط قولون الي فيني راح ارتااااااااح
وخوفي ايضا من المستشفى اني اروح ويشخصون لي تشخيص غلط !!
( اسأل الله العلي العظيم ان يشفيني ويشفيكم جميعـا )
ولا تنسوني من الدعاااء
|