المشاركة الأصلية كتبت بواسطة ابو عابد

يالله يـا جـال الأمـور المهـمـة
تجلى وهق قلب برى حـال راعيـه

البر دجتـه و البحـر رحـت يمّـه
أدرج سبب حظ على الله مساعيـه

يوم إن ولد اللاش رزقه على أمـه
رزقي على اللي ميّت القشع يحييـه

مانـي وانـا بنـدر ببيـاع دمــه
يقطعك يـا بيّـاع دمّـه و مهفيـه

اللـي يبيّـع لابـسـات الأزمــه
ثور يبي بيـض العماهيـج تغنيـه

يزعل ليا جـت ليلـة الـدول يمّـه
يرضى بسوق المال بأخيـه و أبيـه

خطو البخيـل اللـي يكبّـر معمـه
يقرا الكتاب و واجـب الله مخليـه

أما هـرج لـه فـي رفيقـه بنمّـه
والا عطا و أمـه تضيّـع هقاويـه

يامل قلب كل مامات همه
دارت دواليب الدهر لين تحييه

فـرّاق شمـل النـاس عيّـا يلمـه
وقتن يشيب الراس من شايـة فيـه

أحدن ينـام و حـط راسـه بكمـه
و أحد تخم النوم عينـه و تخطيـه

و أحدن يحاول بالردى بنـت عمـه
و أحدن يحاول ستر عذرا عوانيـه

تخالـف الأنظـار شرقـن و يمّـه
كلٍ هدف رايه من النـاس مرضيـه

أنشـدك ياللـي كـل شـي تتمـه
تقرا الكتاب وكـل فـرض تصليّـه

ويش القليب اللـي عميـق مجمّـه
ما سرّ غرسه ماه عطشى سوانيـه

سم السبب يا عارفـن عنـه سمـه
سم السبب يا عارفه قبـل اسميـه

والله يـا لا لا كلمـة قيـل ذلّيـت
لاترك مقاصى اللاش نقص و مهونة

لا شك ضرّاب المثـل بـه تقدّيـت
من حرّك المجنـون ناطـح جنونـه