ا،السويدي

بيانات اضافيه [ + ]

رقم العضوية : 39248  تاريخ التسجيل :  06 2012  أخر زيارة : 17-04-2025 (05:42 PM)  المشاركات : 1,219 [ + ]  التقييم :  10

لوني المفضل : Cadetblue

ماعرف شو أسوي :(

السلام عليكم و رحمة الله و بركاتة

شو الأخبار ان شاء الله بخير ؟

انا؟ حالي ما يطمن بس ربي لك الحمد

بقولكم شو قاعده احس هالأيام و بكثره مع انه الشيء وياي من زمان

اول شي انا عندي وسواس اني أخاف اني ما دفعت أو تسللت علماً بأني لا

و الشيء قاعد يزيد كل يوم و بشكل جديد

يعني مثلا امس قلت حق صديقتي نسيت سماعتي اليوم كيف بتابع المسلسل في الباص

قالت لي عندي سماعتين تبين؟ قلت لا عادي
و سكتنا.. بس انا ما سكتت

تميت أتخيل ان هي قالت لي تبين فلوس ؟ اقول في نفسي لا هي ما قالت جي
عقب اقول هيه قالت بس انا قاعده اقول لا

عقب اقول الحين كيف أتأكد شو اقول للبنت شو بتقول عني
مخي يعورني من هالتفكيرر


صرت أخاف ارمس مع البنات لاني أرمسهم عادي بس فجاه احس ان الموضوع فيه فلوس

الأسبوع اللي طاف ؟
سرنا المقصف نأكل ..

المقصف عندنا مثل بوفيه للأكل و بعدها ندفع ..

انا دائماً يجيبني إحساس اني ما دفعت
المهم ذاك اليوم دفعت و انا متأكده بس عندي إحساس يقول لا

يلسنا نأكل ف قالت صديقتي فجاه أوه نسيت ادفع و نشت تدفع

انا ياني شك اني مب دافعة و تميت افكر و افكر

تعبت و تعبت عقلي معايّ بس وربي غصباً عني ..

صرت أخاف اكل لوحدي لازم حد وياي لاني أخاف أكون مش دافعة

و قبل كمن يوم كنت قائلة لبنت اعرفها تسال لي عن بنت و موضوع عادي يعني
ف هي فالباص قاعده تمزح معاي و تقول ها وين بيزاتي

انا اقول في نفسي هل انا تسلفت منها أو :(؟

الحين قبل شوي و انا أصلي فجاه ياني إحساس ..

يوم الأحد عندنا تهادوا و تحابوا بيننا نحن الأصدقاء
ف قعدت اقول في نفسي

البنت بتيب لي هديه بس أخاف احس أنها حاطه فلوس عقب بقول فلوسها

و كيف بسألها انتي حاطة فلوس ؟ شو بتقول و إذا قالت لا
بقول أكيد هي حاطه بس انا لاني ابا الفلوس بحاول امثل عليها

تعبت والله تعبت .. قاعده اقول ما بأخذ الهدية إذا الموضوع فيه خوف

و تخيلوا لو في الحقيقة حطت لي فلوس بالغلط شو بسوي

ماعرف شو فيني أبي أصيح :(

ساعدوني الله يخليكم بديت أخاف أكون مسوية شي و بتعاقب :(؟

المصدر: نفساني