انا بنت ومخطوبة وكنت هموت واتجوز ويبقي ليا بيت لوحدي وعيشة واولاد
اتعرضت لموقف غير مجري حياتي خالص اتعرضت لفراق حد كان عزيز عليا اوى (كانو القطط بتوعي متستغربوش لاني كنت بعتبرهم اطفالي) مشيتهم لاني خوفت علي نفسي من كتر ماانا اتعلقت بيهم خوفت يجرالهم حاجة قدامي مستحملش الصدمة فضلت فترة نفسيتي تعبانة لحد ما تقبلت عدم وجودهم واتعودت
بس للاسف مرجعتش زي الاول
رجعت بأفكار غريبة اوى
اولا بقيت بخاف اوى اوى من الفراق بخاف اوى من لاقدر الله من موت ماما بخاف اوى من الصدمات
وبقيت كمان بفكر في كل صحابي الي فارقتنا الحياة وبحاول ارجع العلاقات علشان مبقاش مفارقة حد عشت معاه في يوم من الايام
بقيت متعلقة بماما اوى وفي نفس الوقت بخاف من تعلقي بيها وبحاول ابعد عنها بس طبعا مش بقدر
خايفة اتجوز علشان مفارقش بيت اهلي ولو ثانية واحدة
خايفة اجيب اطفال يتعلقو بيا زي ما انا اتعلقت بماما وفالاخر افارقهم يتعذبو بسببي
خايفة اجيب اطفال ويجرالهم حاجة ومتحملش الصدمة
عايزة اعيش لوحدي متعلقش باي حد خالص فالدنيا
عايزة اي حاجة وحشة ممكن تحصلي في حياتي ابعدها عني او تحصل حالا (وقوع البلا ولا انتظاره)
بخاف من القبر ومش مصدقة ان ممكن حد يستحمل يدفن فالمكان الضلمة الي مفيهوش ناس خالص
وبضايق اوى لما اشوف حد عجوز وبيجيلي خوف من جوايا لو تخيلت نفسي كبيرة فالسن
تعبت ومش عارفة بجد اعمل اية