روح الامل

بيانات اضافيه [ + ]

رقم العضوية : 4076  تاريخ التسجيل :  06 2003  أخر زيارة : 06-07-2004 (02:57 PM)  المشاركات : 399 [ + ]  التقييم :  10

لوني المفضل : Cadetblue

باقول لكم شي اهلالرياض بس بدون زعل عاد

قبل ست سنين اول سنة لي بالرياض كنت مغتربة ادرس في السكن الجامعي

و كان اللي شفته من الناس هناك مصيبة بس ما عاد قدرت اسحب و فيهاضياع مستقبل

اللي شفته باقوله في نقاط :

كنت انا و اخوي اول يوم رحنا ندور على السكن كل ما وقفنا واحد نساله عن العنوان و الله يطالعنا باحتقار و يمشي بدون كلمة واحدة
و احسن واحد رد علينا السلام و راح بنفس النظرة و بدون ما يرد
تحسبون واحد و لا اثنين ؟ لاوالله انهم كثير
لدرجة اننا في المشاوير التالية و اتمام اجراءات السكن اضطرينا ما نسأل الا الباكستانيين / و والله عرفنا ان اكذوبة الكرم العربي ( بلاش نقول البدوي عشان ما احد يزعل )انها كذبة كبيرة
لان الاخوة الباكستانيين كانو ما يكتفون بالاجابة المفصلة بل و الله يمشون معنا بالسيارة الى ان يطمن اننا عرفنا المكان


المهم
عاد انا قلت لاخوي اكيد هذولا الرجاجيل كذا لانهم مرهقين و تعبانين و في حالة عمل
بس اكيد البنات بالجامعة غير

و رحت الجامعة و ما اسوأها من ذكريات

و الله ثم و الله ان البنات اللي استفسرت منهم عن اي شي كانوا كانهم عميدات اقسام مو طالبات بكالوريوس الله ساتر غليهم

و عانيت الامرين من جفاوتهم و غلظتهم

اما الكبر الاعرابي المعروف فما يهمني لاني ادري ان كل واحدة فيهم تتمنى توصل لمستواي التعليمي اللي أهلني و أخواتي المغتربات اننا ندرس بجامعتهم دراسات ما بعد الجامعة و بعد بعد الجامعة

عاد لا تتشاءمون

الله اكرمني بزميلات من اهل الرياض كل واحدة قامة شامخة في كل شي

و كذلك موظفات اللاداب يتنافسون في الجدية و الروح الطيبة و التعاون

المهم اني احترت فيكم يا اهل الرياض

هذي ثلاث ايام انتظر منكم ارقام تلفون مو اكثر و ما لقيت الا رد واحد ؟

عاد عزائي اني لي معكم سوابق

ورد اشكرك

و عندي سؤال من باب حسن الظن بالاخوة : تتوقعين يا ورد ان المنتدى ما فيه احد من الرياض ؟

اتوقع لان مو معقول الدنيا خلت من الخير و الاحساس بهذا الشكل

على العموم

ما قصرتم يعطيكم العافية و الف عافية

وداعة الله و اشوفكم على خير بعد ما اخلص هذي الرحلة الثقيلة على نفسي

سلام