نفساني - عرض مشاركة واحدة

20-12-2003, 07:07 PM

::

6بسم الله الرحمن الرحيم
مشكلتي هي مع طفلي الاكبر والذي عمره4سنوات في الحقيقه كان طفل هادى ومؤدب جدا والكل يثني على اخلاقه وتربيته ولكن حصل انقلاب في شخصيته منذو فتره وهي بعد ولادتي لاخيه فاصبح عدواني ويغار من كل شي ولا ينصت لاي ارشاد يعني انقلبت شخصيته فوق تحت لا تقولون لي اني صرت اهتم بالصغير اكثر بالعكس انا اعرف انه راح يغار منه وصرت ابدي عدم الاهتمام بالصغير حتى ينام او يخرج ولكن لاحضت عليه انه صاير يغار من كل شي من ملابس اخوه الصغير ه وحاولت افهمه انه كان عنده زيها وطلعت له صور له وهو صغير وانه كان يلبس زيه وان كل اللي عند اخوه كان عنده لكن ما فيه فايد الحين هو رجع يشرب الحليب بالرضاعه مع العلم اني كنت قاطعتها عنه من سنه وكان بكيفه مو غصب عنه الحين اللي محيرني معه اكثر كل ما يشوف اخوه بالحاله او نايم يجلس يصرخ في وجهه لين ما يبكي الصغير وبعد ما يبكي يحاول يسكر فمه ويكتمه واول ما اشوفه يبعد يده عنه يمكن تقولون قفلي على الصغير بقول لكم اقفل عليه لكن بمجرد ما اروح اجيب له غيار او رضعه الاقيه سوا سواته هذا غير الضرب والاصبع اللي يدخل بعين ها الصغير تكفون قولو لي وش اسوي غير انكم تقولون زيدي بدلاله لاني جربت والحين صاير يتمادي بكل شي طلابته لازم تنفذا مع اني اتركه ومو كل شي اخليه ياخذه واتركه يبكي لين يمل ويسكت بس انا الحين صايره عصبيه معه مره من تصرفاته تكفون ساعدوني وانا مستعده لاي استفسار

واسفه للاطاله

::

4

المصدر: نفساني