صراحة أختي عشتار جالس اقرأ ردودك ومعاناتك
ياسبحان الله قسم بالله نسخة طبق الأصل من معاناتي
كلنا مرضنا من سنة
كلنا عندنا تعب وصداع ودوخة والأحساس بالسقوط
كلنا قلنا للدكتور ياليت فينا سرطان ونعالجة
كلنا قلنا للي حولينا ليتكم تجون مكانا خمس دقايق تحسون بمعاناتنا
كلنا نقول نوبة الهلع عشر دقايق وحنا نعاني 24 ساعة باليوم من سنة
كلنا ترك عملنا لأننا مو قادرين حتى نمشي ونتكلم زي الناس مو عمل والأمراض النفسية لاتؤدي إلى هالدرجة من التعب
كل ردودك ومعاناتك نفس ما اعانيه وامر فيه بالظبط
أنا مؤمن 200 % إن مرضنا واحد وللحين ما اكتشفناه
بس إن شاء الله ماراح نيأس وراح نعرفه ونعالجة بإذن الله
أنا إن شاء الله راح أزور معالجة شعبية مشهورة على مستوى المملكة هالأيام
وراح اكتب وش يصير معي ...