نصيبك يصيبك

بيانات اضافيه [ + ]

رقم العضوية : 39384  تاريخ التسجيل :  07 2012  أخر زيارة : 15-03-2025 (08:04 PM)  المشاركات : 233 [ + ]  التقييم :  10

لوني المفضل : Cadetblue

محتاجكم ضروووري

السلام عليكم ..
انا عضو مسجل بهالمنتدى من زماااان
بس قررت اشارك ومحتاج نصائحكم
واتمنى ترحبوووون فيني وتعتبروني أخوكم
وياريت أنكم تساعدوني بمشكلتي لانه ادري انتم الوحيدين اللي تحسون فيني
اخوااني انا ابتليت بالرهاب من كان عمري 15 والحين انا 18 سنه
طبعا بهالثلاث سنين تعذبت بحياتي ووتعبت نفسيا
ببداية المرض كنت اعاني خجل خفيف وكنت اقول يمكن شده وتزول
ومرات اكون مرتاح بس الأغلب احس بتعب وضيقه بالصدر مثل اي مريض نفسيا
طبعا قبل ما اكمل سن 15 وقبل 4 سنين كنت متعافي وما اهاب الا رب العالمين
لمن دخلت الثنوي بصف العاشر أهلي نقلوني لمدرسه خاصه بحكم انه انا مستواي ضعيف بالدراسة
وعاشر صعبه عندنا يبيلها واحد يدرس ويجتهد
لكن كانت ماشيه أموري وانجح بالصفووف اللي قبلها وكنت ادرس واسوي اللي علي
كان وياي واحد بصفي وانا لطيبتي وحسن نيتي اعتبرته صديق
لكن بدا يستفزني ويغلط علي شافني طيب ولا ادور المشاكل بدا يستفزني بطريقه مايرضاها احد على نفسه
وانا مشكلتي من وانا صغير تربيت على أني مسالم ولا احب المشاكل
قلت حق اهلي ابي أنتقل لمدرسة ثانيه سالنا الوزاره قالو لنا صكر النقل
قلت ماني مداوم بعيد السنه اهلي مارضو وصارت مشاكل بيني وبين امي بسبب انها ماكانت راضيه أني أضيع من عمري سنه
قعدت بالبيت لأني كرهت المدرسه وكرهت كل شي كنت أقفل على نفسي باب الغرفه وابكي وأحس بدناءه
وبهالفتره كانت تجيني وساوس الله لا يوريكم وكانت حياتي انترنت ونوم وهذا اللي زاد الطين بله صرت ماواجه الناس
بعدها ب7 اشهر ب 2010 لما حسيت باني مريض وموطبيعي اخجل من اشياء حتى الطفل مايخجل منها
وقررت اروح عياده خاصه وفعلا رحت وفتحت ملف
ووجربت التنويم الايحائي بجلسه وحده وطلعت احس بقوه وماخاف
لكن قطعت لسبب تعرفون العيادات الخاصة غاليه ويبيلها مصاريف الجلسه بعشرين
وبها لفتره كرهت حتى المناسبات مرات كنت اروح مغصوب واذا مارحت يطلعون علي كلام
أبوي منفصل عن امي من كان عمري 13
وإنسان مايهتم فينا ابدا همه. الفلوس ويعيش مرتاح فقط
والحين مو مقدر ظروفي يقول مافيك شي واذا شفته مره بالشهر يقول ليش ماتجي لدوانية عمامك
ليش ماتطلع ليش ماتواااجهه
مو هامه انا اهم شي يفتخر فيني عند الرجال وينه عني لما كنت صغير ومحتاجه ؟؟؟؟
حتى المصرف امي تصرف علي هو مادفع شي من جيبه
وانا طبعا ماروح دواوين لسبب الرهاب وماحب التجمعات
والحين كبرت انا اخر سنه بالمدرسة وراسب طول السنه بسبب الرهاب
مالي خلق ادرس حتى مخي قفل من الامراض النفسيه
وايضا أعاني من الاكتئاب وافكار وسواسيه
قبل سنه ونص جبت السيروكسات والاندرال خف عني الرهاب بشكل كبير
لكن كنت احس بتعب وكسل شديد وكهربا براسي وزاد وزني واصبت بالاكتئاب
وما كنت مستعد للمواجهه او أني اطلع واروح وأجي ماحسيت انه فيه فايده وزاد مرضي اكثر
بسبب السيروكسات وتركته .. لما تركته زاد الاكتئاب وقل وزني وكلمة دراستي طبعا بخوف واكتئاب
أداوم وارجع ماامني فايده
والحين انا ابخلص مدرسه ووصلني خبر انه ابوي يبيني ادخل الشرطه
لانه نسبتي نازله وانا مابي اسمع كلامه وادخل أبعيد هالسنه لأني مانجحت وراسب
وانا مقرر أني اروح بعثه الى الخارج والنسبة ما تساعد
وانا ماحس أني مرتاح لوظيفة الشرطه
وبالإيام الجايه فيه مناسبات كثيره رمضان وعيد واعراس
والله قاعد افكر وتعبت من التفكير وبمجرد انه يجيبون طاري أبوي اتعب نفسيا وقلبي يضرب 1000ضربه
ف قررت اروح مستشفى الطب النفسي الحكومي يمكن اتعالج ويمكن يكون احسن من العيادات الخاصه
ابي رايكم اروح المستشفى الحكومي للطب النفسي عندنا بالكويت
ولا عياده خاصه ؟؟؟؟؟ وكم جلسه عشان اتعالج من هالحاله
ناطر ردودكم ومحتاااجكم اخواني والله تعبت احس اني عمري سبعين وانا صغير
ماعندي احد غيركم يرشدني لاتخيبون ظني

المصدر: نفساني