|
هلوعه تنظم لكم و تقولكم سالفتها
السلاام عليكم
الله يسلمكم انا هلووعة جديده و احس اني مررررررة فرحانه كانني بين اخواني الي نفسي هههه
يعلم الله كم مرة سجلت ونسيت الباس و هالمرة الحمدلله ظبطت
انا عمري 20 سنه بدت نوبات الهلع عندي بعد مشاكلي مع طليقي و الحمدلله ع كل حال
اول نوبة كانت مخيففففه جداااا لي لاني ماعرفت وش اسوي و ماكنت اعرف انها نوبات هلع
الله يسلمكم انا بعد طلاقي مريت بحاله نفسية سيئه جدا جدا جدا لدرجة اهلي يودوني عند قاري و كنت اتوهم ان فيني جني مدري امثل مدري وش فيني بس شكله من كثر الهم و القهر الي فيني ولا انلام من الي سواه طليقي الله يهديه ويسامحه و احمد ربي ثبت عقلي خخخ حسستكم صح .. المهم مرت هالحاله ع خير وتركت وسواس الجن وما جن و بعدها جت نوبات الهلع و متقطعه و الفتره هذي الاخيره كانت يومية و بشككل متعب
تخيلو حتى وانا فالكلاس فالجامعه تجيني و امسك نفسي هي ماتجيني الا اذا كنت في مكان ما اقدر اهرب منه زي صف او صلاه جماعه او سيارره و اااه هالسياره مسويتلي عذاب هههه
مع ذالك كنت استحمل فالكلاس وكانت تجيني قووية مررة لدرجة انسدح و اغمض عيوني مسوية نعسانه ههههه
الحلو فالموضوع انا ماخذتها بروح رياضيه و متحمله بس ساعات تزيد علي و ابكي لحالي
لاحظت انها تخف كثييييير يوم اتقرب لربي و ادعيه تجيني زي السكينة ان خلاص حتى لو جت مابيصير شي و فعلا تختفي
بس فترات تجيني و تجيني لمن انقطع عن اشخاص فتره و ارجع يعني مثلا البي بي اخترب اسبوعين لمن رديت اكلمكم جتني و ان جاني تفكيري اني مش طبيعيه و خرابيط .. الخ
المهم وش رايكم الحين نفكر بحلوول و كل واحد يقول حل و نجربه كلنا و كل واحد يقولنا علاقاته الاجتماعيه كيف لاني لاحظت يوم انعزل عنهم ترجعلي و يوم اختلط انساها و لاحظت شي غرييب بعد يوم اسمع الاغاني تجيني بعدها
انا عني مب اجتماعيه كثير يعني عادي و احب الاستهبال كثير و الي يشوفني مايصدق اني هلوعة و وحد\ه من صديقاتي الي فيها هلع و استغربت هالشي انها وحده و الباقيين يوم اسئلهم كاني اسئلهم عن شي مو موجود خخخ
و اتوقع بعد ان نوبات الهلع تجي للشخص اللي مايكون راضي بنصيبه و قدره ويقعد يفكر كثيير لين ماتجيه النوبة
عندي لكم كم سؤال طمنوني عنهم
قد جاتك مرة نوبة هلع قووووية لدرجة تحس انك مو انت ان انت شخص ثاني ؟
تأتيك/ي وساوس غريبه و مخيففه جدا ؟ مثلا انا مرات تجيني وساويس لما اسمع عن القتل و ما القتل اتخيل شكلي اقوم اقتل امي او بنتي بسم الله و اجلس ابكي من الخوف و مرات اخاف اسويها مع اني ادري اني مابسويها و احبهم موووت بس مجرد التخيل يخيفني لدرجة ابكي الحمدلله والشكر
ثانيا احس نفسي مشتته بعد طلاق حتى علاقاتي بالعالم مخربطه مرة اواصلهم و مرة اقطعهم بدون سبب و لا يوم اقطعهم اكون مشتاقتلهم بس كذا ماريد اكلمهم مدري وش اسمي هالحاله يعني مثلا اكون ع تواصل مع صديقاتي اوكي تجيني فترة اسبوع تقريبا ماريد اكلمهم و اذا كلمت اكلم بدون نفس و اتغير و بعدين ارد لطبيعتي مدري وش ذاا و هالشي هو اكبر سبب يجيب لي نوبة هلع لاني اجلس اقول شفيني كذا اقطع الناس وانا احبهم و بعدين ارد وش فيني و اجلس افكر لين تجي نوبة الهلع و تبدا الافكار اني اصلا هذي بدايه جنون و مدري وشششش الله يطلعنا من هالحاله بس
غير كذا كنت اكلم و اهلي كشفوني و تعبت تفسيااا اسبوعين وانا اصيح دم و الحمدلله احسن انكشفت لاني تبت خخخ
الزبده طفشت بأهلي من كثر ما اصيح ودي مرة امسك نفسي لا ضقت وما اصيح عند امي بس مااقدر
اروح عندها زي الهبله واجلس اقولها يمة اخاف انجن اهىء اهىء و هي تضحك علي و اهلي كلهم يضحكون مع ان والله الشي الغريب ان اهلي كلهم مش طبيعين يعني بطبيعتهم يحبوون العزله شوي عن الناس بعكسي انا مرة غير حتى عن خواتي هاديات و عند الناس مرة هاديين وان ابس الي مسوية جو مدري كيف و فوق ذاا نوبات هلع فيني و وسواس و هم مدري كيف مرتاحين كذا الله يديم عليهم يارب و لا واحد موسوس غير ابوووي بس احس محد مثلي يعاني بهالبيت و هذي قصة هلوعة طفشتبكم ادري بس يلا اول موضوع و ارحححب بككل التعليقااااااااااات
كلامي مخربط و مش مرتب اسمحولي بس حبيت اكتب و اشارككم تجربتي
|