|
لدي مشاكل ( قلق - توتر - انفعال )
السلام عليكم
انا اعاني مشكلة بالتوتر والقلق والخوف من المستقبل والمجهول ، زرت مستشفى مطمئنة واستمريت معاهم قرابة 4 شهور والادوية الي كان يعطيني اياها افكسور و اندرال و علاج نسيت اسمه كان للاكتئاب بعد ال 4 شهور تركت العلاج لاني حسيت اني اتماثل للشفاء بعدها بفترة بدت تتراجع حالتي بعدها 8 شهور تقريباالستخدمت الافكسور في اول اسبوع استخدمت 75 بعدها استخدمت 125 والله مو فاكر كم ملي جرام بس هو الي لونه الاحمر بعدها بسنة راجعت العيادة لكن اختلف الطبيب الي كان يعالجني وغير في الادوية وصرفلي علاج ثاني غير الافكسور لكن ماكان ينفع معاي نهائيا الان لما بستخدم الافكسور ماراح ينفع معي ما ادري وش السبب انا مشكلتي لما اروح مكان عام فيه زحمة اتجنبها احس بختناق وتوتر يجف فمي ويتنافض جسمي
وانفعل على اتفه الاسباب لكن بعدها احس جسمي طايح حتى ضغطي يرتفع لما افحص عند المستوصف ااتندم ويئنبني ضميري ودائما افكر افكار سلبيه وحساس جدا لا ادري مالسبب دائما اكره نفسي وحس بنقص وتزيد حالتي لما اقود السيارة انفعل مع الازدحام وحس بختناق ولا اجيد التصرف اخاف اني اصطدم دائما لما افقد التصرف اختنق رحت فحصت طلع عندي الاكسجين طبيعي ولا يوجد لدي مشكال صحية
ممممم وش بعد احس الكلام الي يطلع مني تفاهات و اتعلثم بالكلام عند الناس وحس اني مقدر افكر مدري ليش ولما يكلمني اي احد مقدر اركز معاه لاني اسرح في افكاري حاولت اني اركز مو قادر ومقدر اجمع افكاري كلامي كله غير مفهوم
العصبيه والتوتر سببت لي مشاكل كثيره والاسباب تافهة جدا .... حسيت اني لما افقد التصرف اتوجه للعصبيه لا ارادي
طبعا صارت لي هل مشاكل من 12 سنة كنت وقتها اجتماعي لكن بعدها بدت حالتي تزيد وتزيد مع الوقت بدايتها كان مشكلتي الخوف والاستطيع التكلم الى مع عائلتي
انا عمري 23 سنة اعزب واعذروني اذا كان كلامي مو مرتب او ان ثرثرتي زايدة عن حدها لكن ارجوكم عطوني حل وعلاج سلوكي وبالادوية
|