نفساني - عرض مشاركة واحدة - اااااااااااااااااااااااااه ياقلبي تحملت مالم تتحمله الجبال

05-07-2013, 02:38 PM

السلام عليكم اخوي منتظر ..
ان شاء الله انك اليوم اهدأ .و احسن ..

يعني .. فقدانك للوالد هو الي مسبب لك هذا الإكتئاب صح ؟
و احساسك برفض هذا الشيئ هو الي مسبب لك مشكله مو قادر تتقبل فكرة ان الوالد مات .. و ما عاد يرجع انت تحس انك انظلمت بالموضوع.هذا .. و احساسك ليش انا بالذات الي يفقد ابوه و يمكن حتى تقول بينك و بين نفسك .. يا رب.ليش اخذت ابوي ..

شوف اخوي ..

انت لحد الآن مو متقبل وفاة ابوك و فعلا الصدمة ما زالت موجودة على الرغم ان وفاة الله يرحمة و.يغفر له لها 13 سنه و احساس الغضب الي فيك من تالمك من فقدان الوالد
في علم النفس يقال عندما يكون للشخص دايم في حالة غضب فهو اما انه يشعر
بالخوف ..
او الالم ..

و يمكن انت تشعر بهم اثنيناتهم ..

طبعا بتقول.لي كل.هالبلبة و الحكي علشان ايش ؟
بقول لك .. ان حياتك ما راح تتغير حتى تنحل هذة المشكلة في داخلك .. انت صحيح عمرك 31 بس مازال الجرح الي في داخلك زي ما كان عمرك 18 ..

بس الحمد لله ما عندك ثنائي قطبية و لا شيئ ..
تدري ايش تحتاج .. تحتاج تروح لدكتور نفسي او بالصح دكتور في العلاج النفسي يعني دكتور ما يصرف لك دواء .. لا دكتور يوجههك و يسمع لك و يحط لك خطة علاجية .. يمكن تحتاج الى علاج دوائي .. و لكن في البداية الخطة العلاجية .. لكن اقولها لك و بكل صراحة ما راح تشفى من الحبوب او العلاج الدوائي ..

اخوي منتظر .. الله يسعد قلبك يارب ..
اول خطوة مثل ما قلت لك تروح دكتور شاطر خبرة يخاف الله و تمكن من شغلته بس يكون دكتور في العلاج النفسي او استشاري في العلاج النفسي .. و قوله بالحرف الواحد ساعدني اتخطى صدمة الوالد ..

لانها هذي مشكلتك .. تحتاج يا منتظر.انك تواجه فقدانك لابوك .. انا عارفه ان فقدان الاب يهز جبال .. و صعب و قاسي و يوجع القلب .. لكن تحتاج تواجه نفسك و تتقبل هالشيء اذا حاب تنجز من حياتك .. بتقول من وين اجيبها هالشجاهة و انا فيني حزن العالم كله ..

بقول لك هي اصلا موجودة فيك و على قد ما كنت تحب الوالد الله يرحمه و على قد غلاة عندك و معزته عندك بتلقى الشجاعة .. مو علشانك بس .. علشانه هو علشان الوالد ..
صحيح و اعرف انك تحس بالام و تحس بالظلم و القهر لانك فقدت ابوك في سن 18 بس فيه ناس فاقده ابوها بسن اصغر حتى فيه ناس فاقده ابوها من سن سبع او ثمان سنوات تخيلي اخوي منتظر طفل يرجع من المدرسة ما يلقى ابوه طفل .. انت كنت في سن ما شاء الله اكبر يعني اقوى من هالطفل .. و فيه ناس فاقده الاب و الام .. و الحمد لله انت عندك ام الله يطول بعمرها ..

بوس راسها اللحين و قول يا ميمتي ادعي لي في هالوقت المبارك .. و انت كل اهلي ..

عسى ربي يحفظها لك و يسخرها لك و يعينك و يربط على قلبك و يزيل حزنك و يعطيك القوة و الصحة و العافية و يير.امرك و يبارك لك في رزقك ..

بنتظر ردك على اقتراحي ..
و تذكر ان الله رحمان رحيم مهما تشوف في حياتك .. رحمان رحيم ..