أصداف الحلم

بيانات اضافيه [ + ]

رقم العضوية : 42872  تاريخ التسجيل :  03 2013  أخر زيارة : 13-04-2014 (04:20 AM)  المشاركات : 361 [ + ]  التقييم :  10  الدولهـ  الجنس ~

لوني المفضل : Cadetblue

أنا يا اندلسية قصتي قصة وحكايتي حكاية ههههه
بس لما اتذكر رمضان اللي راح اقول الحمدلله فين كنا وفين صرنا
كان كل اهلي ضدي ، وبارادة الله يسرها الحمدلله ورضيو
ياستي لما وصلت عالشرطة جلست اسبوع تقريباً على مايجي خطيبي من المدينة هوا واللواء اللي يعرفوه
المهم راجعها بعد اسبوع اعطوه خطابات ليا عشان اسويها المهم التحالبل و البرنت والعمدة ، العمده الله يسامحه اخرنا
يمشي امور البدو ويجلس للحضر جلسة عنصرية ، المهم بالقوة رضي بالشهود اللي جابهم اخويا وجالس يسوي يخوفهم تعرفو بتشهدو على ايه
حسيت انها شهادة يمين هههه ، المهم بعد ثلاث اسابيع سلمناها ، على ماتتحول المدينة اخذت اسبوعين ، ودحين لها اسبوعين كمان في المدينة عند خطيبي
هوا النظام انه دام الخطيب من مدينة ثانية يمديه يسويها في المدينة اللي ساكن فيها او يحلل في نفس المدينة
المهم الضابط في جدة قلو انصحك خليها في المدينة مع اوراقك ، ولما وصلت المدينة الضابط اللي في المدينة قال له ماكتبولنا يبغالك تحاليل قلهم يكتبولك
كلمناهم هتا قالو ايش نحن نعلمهم شغلهم ، المهم عصب ضابط المدينة قال والله ماني معطيك روح جيبها من جدة ولا شوف يرسلولك التحاليل لحالها بالطيارة واتدخل عمدة الشرطة اللي هناك قال له مشيه يابن الحلال واعطيه التحاليل تكسب اجر هذا زواج قال له مايخارج كذا النظام
واليوم خطيبي سوا البصمات وقال له بعد عشرة ايام تعال خذ النتايج
وحيجي خطيبي يوم السبت في الليل عشان يراجع الاحد شرطة جدة
ويارب تتسهل معاه باذن الله