نفساني - عرض مشاركة واحدة - بنات وتشات (قصة فتان القلوب اللي خلى توته تتوب:)

22-12-2001, 08:59 AM

بنات وتشات (قصة فتان القلوب اللي خلى توته تتوب:)

الرجاء من المثقفين عدم الدخول لأن هذا الموضوع قام به طالبة الصف الأول الأبتدائي ...........
توته حديثة عهد بالانترنت كنت عندها يوم بعد ماقعدنا مع بعض
قالت: اشرايك نقعد على النت
قلت: اوكيه بس اش الموقع اللي تحبيه على النت
قالت: لا هذا الوقت تكون زميلتي على النت
قلت: اعرفها ؟؟ قالت: لا ما تعرفيها
المهم شغلنا الكمبيوتر وفتحت الماسنجر اشوف مافي احد متصل غير اسم ..مكتوب فتان القلوب !!
قلت: توته من هذا فتان القلوب يا لطيف !
قالت: والله إني اكلمه وناسه بس....
قلت: لا بصراحة ما توقعتها منك... إذا بتقعدي تكلميه بروح
قالت: بالله اجلسي ثواني بس... شوفي وش بيقول وبعدها والله افصله...
قلت : طيب .
أول ما دخلت وهو يرسل لها كيفك.. بعد ما سألها عن أحوالها...( طبعاً هي قالت له أنها حديثة عهد بالكمبيوتر والنت من قبل )... لحظات إلا وظهر عندنا برنامج ألنت مي تنق..(طبعاً توته ما تعرف الماسنجر كثير عشان تعرف النت ميتنق)

هو حط مقابلة بالنت ميتنق ما ادري ليه .. يمكن يتدرب .. انا ما كنت اعرف ها البرنامج الا معلومات بسيطه قرأتها في النت ومن المدرسه في المعهد ... بعدها قالت : اش هذا قلت برنامج النت ميتنق وش نسوي فيه ما ادري بس هذا يبي مقابلة على النت انت عندك كاميرا ياتوته ... قالت : لالا ماعندي
قالت : اشوه لوكانت مشبوكه وحنا ماندري شلون نستخدم هذا البرنامج (قلت توته خلينا نفصل أحسن ..قالت بس نشوف اش هذا اللي ارسله وبعدين افصله)......وشفنا نافذه فيها زر مثلث (زر التشغيل)
وضغطت الزر المرسوم عليه مثلث .... الا .... بسم الله... تظهر صورة فتان القلوب ( يالله المفروض يسمي نفسه شلاع القلوب او خراع القلوب )...
توته :يمه وش ذا ...
توته قالت لي : نزلي راسك بسرعه لايشوفنا من الشاشه... تسوي فيها انها تفهم بالكمبيوتر بعد ماوهقتنا
قلت: انا من الخوف طيب كلنا تحت المكتب (تذكرت قصة البنت اللي خافت و قعدت تحت الزباله الله يكرمكم)
وبسرعه سويت الصبيه البطله فصلت سلك الكمبيوتر من الكهرباء ....وبعد ما خفت اثار الفجعه من اللي شفته ... ضحكت و شر البليه مايضحك... وهي ما اكذب عليكم لوقلت لكم انها مرضت (لانها سخنت قالت احس بصداع ووجهها مخطوف ) اختها بعد دقايق دخلت عندنا وقالت : غريبه فاصلين الكمبيوتر ...قلت : ايه بس الجهاز كأن فيه فايروس ( لكن هاالمره فايروس آدمي)..
بعدها عطيت توته كلمتين على راسها ... من بعد هذا الموقف كرهت النت وماتقعد عليه إلا نادراً فقط ... يمكن تحسبوها قليلة ادب بالعكس اهلها وهي نفسها طيبين ومحترمين مايدروا عن التشات وبعد واثقين في بنتهم ..
*المشكله كثير من البنات إذا تكلمت مع واحد بالتشات يتخيلها انه ملاك منزل من السماء ... هذا إذا ماكان بنت ..والعكس صحيح تماماً

برنامج الماسنجروكثير من برامج المحادثه رائعه ولكن إذا احسن استخدامها خصوصاً إذا كان لك صديق او قريب في بلد بعيد ..النت بصفه عامه مفيد جداً جداً ومسلي يعني تعليم وترفيه ...وطبعاً إذا أحسن استخدامه ................ وسلامتكم
attachment.php?s=&am

المصدر: نفساني