الألم يصنع الأمل

بيانات اضافيه [ + ]

رقم العضوية : 43607  تاريخ التسجيل :  05 2013  أخر زيارة : 16-05-2015 (10:32 PM)  المشاركات : 192 [ + ]  التقييم :  10

لوني المفضل : Cadetblue

هذا ماحصل لي أمس وقت الفطور و العشاء أمام الضيوف ( ساعدوني الله يسعدككم )

بسم الله الرحمن الرحيم

السلام عليكم و رحمة الله و بركاتة

في البداية أهنيكم على شهر رمضان المبارك أعاده الله علينا وعلى المسلمين بالصحه و العافية يارب

وكل عام وأنتم بالف خير

أدخل بالموضوع أمسس كان عندنا فطور و عشاء ويوم دريت أن عندنا عزيمة خفت على طول وأصبحت متوتر خوفا من الناس أن يروا وجهي يحمر أمامهم !!
في البداية كنت أفكر أني أتهرب عن مواجهتهم واني راح أتفاشل أمامهم !!
فكرت وقلت لازم أواجههم والي يصير يصير !
طبعا قبل لايجون الضيوف كنت قلقان وماني مرتاح بالجلسة ودي أتهرب بس مسكت نفسي قلت لازم اوجه غصصب دخلوا الضيوف قبل أذان المغرب وسلمت عليهم والوضع عادي وحسيت بأحمرار خفيف
ويوم أذن المغرب والأ والدي يقول صب قهوه ولبن وانتم تعرفون عاد اذا جاء الضيف لازم تصب له كل شي هنا بدى الأحمرار على وجهي طنشت وبعدها جلست أفطر معهم الأ وجهي يزداد أحمرار أحاول أني أطنش الأ ويصيبني تعرق في الوجه وعيني في البداية كانت ع الأكل في الأرض ماقدر أحط عيني بعينهم عشان لايشوفون وجهي أحمر !
قسم بالله بغيت أقوم من الجلسة بس قلت أفشل والدي أمام الضيوف طنشت وجلست أفطر ووجهي يصيب منه تعرق وأحمرار هنا تمنيت أن الأرض تبلعني ولايشوفون وجهي ! بعدها قاموا الضيوف ع أقامة المغرب ولا أنا أرتاح طبعا قمت مع الضيوف وسولفت معهم شوي برى المجلس وصلينا ورجعنا نكمل الفطور الثاني وكنت مفكر أني ما أرجع أفطر معهم بس غصبت نفسي ورجعت أفطرت معهم مره ثانيه الحمد لله أفطرت بس حسيت بأحمرار خفيف لين خلصنا وتعدت على خير !
جاء وقت العشاء كنت خايف من صبة القهوه والشاي للضيوف أن لايحمر وجهي مره ثانيه دخلوا الضيوف صبيت لهم قهوه والوضع عادي يوم أمتلى المجلس ع الأخر وقمت صبيت قهوه هنا وأنا واقف الأ وجهي يزداد أحمرار وتعرق في الوجه ودي اتهرب بس مقدر لأن الدله في يدي ههههههههه وأقول بين نفسي متى يخلص الشايب من فنجاله أبي الفكه هههههههههههه صبيت وخلصت وبعدها طلعت برى وخليت أخوي يصب بدالي وتعشينا الحمد لله وتخيلوا بعد العشاء و المجلس مليان صبيت قهوه مره ثانيه للمجلس كامل وماحسيت الأ بأحمرار والحمد لله عدت على خير و الحمد لله على كل حال !

بس وش رايككم وأنا فيني رهاب اجتماعي واجهت الناس !


لكن هنا السؤال وأبي منكم الأجابةة !

ليه أنا دايم متوتر أمام الناس ؟؟؟

ليه أنا دايم وجهي يحمر أمام الناس ؟؟؟

ليه أنا دايم أخاف من صبة القهوه والشاهي للضيوف ؟؟؟

ليه كل ما أجلس مع الضيوف ماني مرتاح وخايف أن لا يحمر وجهي أمامهم ؟؟؟

ليه كل ما أسمع أن عندنا عزيمة أو فيه مناسبة اكون قلقان وأفكر وش أسوي في العزيمة ؟؟؟

ي ناس والله ودي أعيش مبسوط مثل الناس وما أشيل هم لأن ولله تعبت من هالسالفه ومالقيت لها حل ؟؟

00``00`

المصدر: نفساني