نفساني - عرض مشاركة واحدة

02-01-2004, 10:37 AM

صباح الخير ...

هذا الشكّاك ظالم ومسكين...

إذا دخل على جماعة كانوا يتكلمون وسكتوا قال يتحجون عني ...

إذا دخل البيت وسمع باب تسكّر قال مايبون يشوفون رقعة ويهي ...

إذا طلب أحد حاجة وتعذّر منه قال ما يبي اتتّم حاجتي ...

إذا نادلى أحد وما سمعه قال حاقرني ...

إذا شاف أحد قاعد معصب قال معصب على ...

والأمثلة وايد وتذكروا في كل موقف انّ تلقطون الشكاك ... بس ها ...

لا تأذونه ...

ترى مسكين حده ...

على الرغم من أنه مرات يروح عند كل واحد ويسقط عليه شكوكه ... بس لابد من

الرفق في توضيح الحقيقة وإنه مو مستقصد ...

ومع الأسف إن في ناز تزيد مشكلته بتشكيكه أكثر ... الرد عليه ردود التحقير

مثل : أنت ما تطري على بالي أصلا عشان أقصدك بهالفعل ... إلخ من مظاهر

قلت الإحساس وانعدامه ...

الشكاك ممكن يكون أقرب وأعز الناس علينا ... لازم نتقن مهارة التعامل مع

الشكاك اللي من المكن إنه يربك اللي جدامه بكثرت ظنونه ...

مهارة التعامل مع الشكاك تتطلب سعة صدر وضوح ...

انت مو مطالب ان تغير نفسك وتصرفاتك علشان ترضيه ... لأن هذا التغيير راح

يحول حياتك لألم ...

الشكاك يحب يشوف كل شي منطقي ... والتصرف اللي ما يفهمه على طول

يعطيه من احتمالاته الشكيّة ...

العمل : خلك طبيعي وواثق من نفسك ... واشرحله الحقيقة بثقة ووضوح لما

يسألك بنفسه عن تصرفاتك وسببها ...

والدنيا تدور وتدور ... وبيوم تلقى نفسك انت الشكاك ... موضع شفقة البعض

واضطراب البعض الآخر وانتقام البقية...

المصدر: نفساني